NAFALAG 4

1Aho nontabo wagsorat han Diyos fitok Tifonan, bokod angko lagan madolaw. Ginya ho ha lagan ya, san Diyos banwanan sam tongod, sadik sakbawan maboklasan. Aho sadi ya ginan nadog ya domwag ka nahasnog, bilang igbodyong, iglwang kitay, Ha fag sakbaw wa hastay, ho falag hyamo kam-anod aban kasta faglagon. 2Ginya madi hogfaangay ka Maliyaw fag Falad kafasadan sangko, ginya ho nalag sadik tokawan fanokawan gorangon san Diyos banwanan sam tongod, hanggan ka matokawan sinya. 3Ka matokawan sinya it walong di masilaw waglag, kito was bato aspiro a, bato kornalina, fiya kabantay, sinay sinayon. Ha akwa yadi sadik balangaw malatoy kitos bato ismiralda maligongan sinya fag tokawan. 4Sas ligongan fanokawan gorangon ha dowa yak safolo ha ofat ik manga tokawan fanokawan gorangon. Ka mangag tokaw sinya fag manga tokawan dowak safolo ha ofat ik manga fagtahinan. It manga solong rotay sonson wa abohay, sat manga boknga alfoyo ha sangbaw ya ngadi ginto. 5Ginya fag tokawan gis fagbokngan, ha tahin wa barikos hilat a, igsohodan wan has hinagoman, hanggan linti di, katik wan. Ha fito yadik salong igyawa sas akbang tokawan fanokawan gorangon. Tonya kan Diyos fitok falad. 6Sas fagonan tokawan ha dagat, bilang wa salamin it kahalyawan, kito was bato matikyas it kaabohayan. Ginya madi ho nalag in Diyos nahalig boyagan ofat, maligonan sas tokawan fanokawan gorangon, sonson wa mata sas fagonan hanggan wa ginanan alfoyo. 7Kangko lagan bago bago kanhalig boyagan, bilang wa liyon, it fadowa bilang wa anak baka aman, it fatolo bilang wa taw it walong, it faofat bilang wa boyaw kaglayog sam tongod, daga banwa. 8To fag manga inhalig boyagan ofat, myasa wa onom it fakfak, naskat wa mata sas babaw hanggan sas basad. Idwa ha katohasan gambahan yabi sirang, iglwang, Maliyaw, maliyaw, maliyaw is Diyos kagfon intam, kadwa ha bosal, Ka hyabi, hanggan ka kati, hanggan ka kabangkad aban fag Diyos. 9No baliday tonya fag ofat kan Diyos nahalig boyagan gambahan yapdi, igfasayagdog, igfadaholon hanggan igbaya has matokawan sas tokawan fanokawan gorangon, ka boyagan hanggan aban aban, 10ka dowak safolo ha ofat ik fagtahinan nanlibabaan sas atobangan tokawan, igfasayagdog has matokawan sinya, ka boyagan hanggan aban aban. Ta nafwalid yadi ista manga sangbaw ginto sas fagonan tokawan, ginya taglwang, 11Haw hyami Diyos, kagfon hyami, haw ka fiya ista fagfasayaon igdog, ista fagfadaholon hanggan ka fiya tomanggap karigonan, Maskin haw wa ka nahalig fagayo fag manga bagay, No kinday kam kafangayofanan haw nahalig fagayo, hanggan haw mandi ka gano yapdi fagayo.

will be added

X\