HIBRIYO 3

1Angko manga fadwasay kantiwala, kan Diyos manga nafatawag, ka manga gofodan yadi hyami, tam fag tohod fagaba in Hisos. Is Hisos kan Diyos Fandiya Barita gona, hanggan intam Gorangon fag Fagalan-han-Diyos hantam ka mangag syag in Diyos. 2No kinday is Mwisis no matanogon san Diyos fag layonan hyabi, kitonya yadis Hisos no matanogon in Diyos, ka nafili hanya hat bato ibolonon. 3Ka taw ka kalig balay bohondi kito kat nahalig balay. Kitonya yadi tam nogfasayagdog in Hisos, bohondi kiton Mwisis. 4Fagayo fag balay ha taw nahalig, dapat is Diyos ka nahalig fagayo fagayo fag manga bagay. 5Is Mwisis, no kitay di, matanogon ngay san Diyos fag layonan. Dapat is Mwisis matanogon maskin hanya sogowan lamang, kaarakitay igfaorongan ka manga bagay kamlag aban. 6Dapat ay, is Kiristo bohondi kitay no matanogon kiton Mwisis, hanya matanogon maskin hanya in Diyos wa Anak, kagbahala han Diyos fag layonan. Tam in Diyos yadi wa sadili fag layonan, tam no mahogod igsyag hanya, hanggan idwa kayag fadog has taw. 7Yakanga kito kan Diyos Maliyaw fag Falad nafwayong, Kati fag sirang ham no domog in Diyos hasnog, 8Ham fag idwag faganiton hayo manga fangayofan kito ka hayo manga magorang hyabi no nalaban in Diyos, hanggan gis nanya ta nasolay in Diyos ta no sas basad fakahyabogan. 9Is Diys iglwang, Ta fadi wadnalag kangko manga naibolon ofat ik safolok fangaraw it kadogayan. Nyawa kitonya hayo manga magorang nafahoriyan angko hanggan nasolay angko sinya. 10Yakanga hon-isog waglag ka manga taw gis nanya fag masohod, Hoglwang, Ta kafang fagaba katanog angko manga togon. 11Yakanga hon-isog is taw, ho nafatohoyan tonya fag manga taw has mahori, Ho nalwang, Nyawa kindawan tadwa domasog hangko bato disagon kafahowayan. 12Angko manga fadwasay, tam fag matagahan, ngadi sadi santam fag idwa ha fangayofan dwat kagfaliyam intam fakatiwalaon, hanggan fadayo intam gin Diyos ka boyagan fag Diyos. 13Yatokitay, tam fag fatodtohodan ha sadi ha sadi, sirang sirang, ka gin Diyos baliwa, no ha faglwangon yapdi hantam, Kati fag sirang, kaarakitay nyawa faktaw santam fag idwa gadayaan gis manga ogali dwat hanggan nyawa faktaw santam, fag idwag faganiton it fangayofan. 14Maskin tam fagayo in Kiristo wa ofod, tam nodwa gadowan igfadagos igsyag hanya, hanggan aban aban. 15Kawa ka Kasoratan iglwang kito, Kati wa fag sirang ham no domog in Diyos hasnog, Fag idwag faganiton hayo manga fangayofan, kito ka hayo manga magorang naogali hyabi, ta no nalaban in Diyos. 16Fakta fag manga taw ka nalaban in Diyos, ham gayfan, nyawa ta nadog it hasnog? Bohonwa awkin kayadin Mwisis fagtabanon fagayo gis Ihipto? 17Fakta fag manga taw ham gayfan, kan Diyos fakaisogon sas ofat ik safolok fangaraw? Bohonwa awkin ka manga ha ogali dwat, ka manga natay sas basad fakahyabogan, kan Diyos fakaisogon? 18Fakta kin hamagdog fag manga taw kan Diyos nafatohoyan has mahori, no nalwang, Nyawa kindawan tadwa domasog hangko bato disagon kafahowayan? Bohonwa awkin ka mangag sway ha hanya, ham gayfan? 19Yakanga tam twa wa kitay tadwa nasyagan nadasog han Diyos togonan bato disagon fag daga, kawa tadwa katiwala in Diyos manga fwayong.

will be added

X\