IFISO 1

1Ahos Pablo kagsorat to fag sorat.Aho in Kiristo Hisos FandiyaBarita, kawa tonyan Diyos wa kafangayofanan. Hogsorat ha hayo sas banwa Ifiso, ka mangan sadi san Kiristo Hisos, katanog yadi hanya, ha hayo kantohoyan han Diyos. 2Ham nangos fag domog kitay is Diyos, intam Ama, hanggan is Kiristo Hisos kagfon intam mahoway ha hayo fagaba, hanggan igfalokmay hayo manga fangayofan. 3Tam fag baya han Diyos, kan Kiristo Hisos, kagfon intam, it Diyos hanggan it Ama, kawa hangyag disag hantam fagayo fag manga fagbayaon has fangayofan baliwa, kito ka san Diyos banwanan sam tongod, maskin tam insadi san Kiristo. 4Gi yapdis hyabi, ka daga nodyan halig, is Diyos danwa nafili intam san Kiristo Hisos, kaarakitay tam imbali maliyaw, idwa yadi ha fabangdanan san Diyos faglagan. Maskin is Diyos galwasi intam, 5hanya danwa nafatohoyan kitay is Kiristo Hisos ka fabali intam in Diyos manga anak, kawan Diyos fakasayaon hanggan kafangayofanan kitonya wan. 6Tam fag fasayagdog in Diyos, kawa hanya nafalag hantam it malooy fag kahowayan sat fagalwasiyon fag Anak. 7In Kiristo folot kanwatwat kagfalfas intam, kitay tonya kagfaliyam intam manga ogali dwat. Maskin kitonya wak mahalga is Diyos no galwasi intam, 8kitonya kat nafalag hantam. Maskin is Diyos madonong igligaw halimbawan, 9nondasog gis nanya fag masohod kat nafatalaga, hanya nafatwagdog intam it kafangayofanan madolaw kadya nafadog has taw hyabi, kat nafatonglos san Kiristo. 10To in Diyos kafangayofanan madolaw kitay, fagayo ka san Diyos banwanan sam tongod hanggan sas baba daga fag imsadi wan san Kiristo. 11Is Diyos ka bahala has fagayo fagayo fag manga bagay kaarakitay it sadili kafangayofanan fag im-anod wan, hanggan hami manga Hodyo kantiwala, kat nafili bago, kaarakitay imbalit sadili layonan fag manga taw. 12Yakanga, hami ka nagona nasyag in Kiristo, fag hami kagfalag has taw in Diyos kafiyan. 13Ginya madi, ham manga Hintil, kitonya yadi, ham no nadog ka toltol orongan, ka Fiya fag Barita no kinday tam nombawi, ham nasyag yadin Kiristo, hanggan is Diyos nadisag hahayo ka Maliyaw fag Falad kitot natogon. Ka Maliyaw fag Falad santam in Diyos wa tandaan kitay tam it manga taw, 14hanggan in Diyos disag gona kagfatohoyan hantam kitay aban, tamnombawi fiya fiya, tam tomanggap fagayo in Diyos natogon bato disagon hat manga nafili, kaarakitay manga taw fasayagdog in Diyos kafiyan. 15Yakanga, gi wangko nadog no kinday ham nogsyag in Hisos kagfon intam, hanggan no kinday ham no galwasi fagayo fag manga taw kantohoyan han Diyos, 16ho fagaba wagbaya in Diyos aho nogdarangin kawa ha hayo. 17Hogdarangin han Diyos, kan Kiristo Hisos kagfon intam it Diyos, hanggan intam Ama kagfon kafiyan, kitay, hanya fag domisag ha hayo manga fangayofan bago, manga fakatwawon hanggan falag ha hayo in Diyos; kaarakitay ham homilala hanya. 18Sadi ya angko fagdaranginon kitay, hayo manga mata fangayofan fag imfoga yadi wan, kaarakitay ham lomag in Diyos yawa, ginya ham tomwa kitay is Diyos nafatawag intam ha sadik fagfanayaon matohoyanan, hanggan tomwa kitay, kafiyaon it manga madolaw fag manga kafiyan, kat natogon hat manga nafili. 19Ham tomwa yadi kitay, in Diyos karigonan ka gibolon santam ka mangag syag hanya.Tonya yadit karigonan kadwa hat dayo domwag, 20ka nafaboyag ya in Kiristo, hanggan nafatokaw hanya san Diyos balis sihon, sat banwanan sam tongod. 21Yakangas Kiristo kagsakop fagayo fag manga gorangon, fagayo ka ha manga kangayanan, fagayo ka ha manga karigonan, hanggan kasta manga fagtahinan.Bondi kati fag manga kasohodan, dapat hanggan has aban, in Kiristo kangayanan abwat man has fagayo fagayo. 22Is Diyos kagfasakop han Kiristo kangayanan fagayo fag manga bagay, hanggan nafabali hanya ka pinagka alfoyo hat Tifonan. 23In Diyos Tifonan in Kiristo wa habilogan. Ka alfoyo hanggan habilogan nomsarokfonan, imhosto wan ka sawat Tifonan fagayo fagayo sadi wak dahonya.

will be added

X\