NAIBOLON 6

1Gis nanya fag masohod in Hisos manga katogbong no kaaywan, ka manga Hodyo ka kampang fangampangan Girigo igsogat has manga Hodyo ka kampang it sadili sanglitan. Taglwang, Kana ham nogfabayaan ka manga ina ka balo sa hyami? Kati ham fawa koray ha hyami manga ina balo kat bato tanggapon sirang sirang. 2Yakanga ka Safolo-ha-Dowa nafatawag ka fakaaywanan fag manga katogbong, igfwayong has taw, Idwa fiya hami nogtohas igbarita in Diyos hampang kaarakitay igbahala has hanon. 3Yakanga filiyan fitok ama gi hayo ka ha akwa ka Falad Maliyaw sat fangayofan sadi wak dahonya, fiyat ogali, madonong yadi. Ginya tam mamatohoyan tonya fag manga taw kagfahafod hanon has fagayo. 4Dapat hami idwa fahoyangon igdarangin hanggan igbarita in Diyos hampang. 5Fagayo nafaangay wan. Ta nafili in Istiban, ka marigon no katiwala in Diyos hanggan igfasakop has Falad Maliyaw. Ta nafili yadinda Filipi, da Forokoro, da Nikanor, da Timon, da Parminas, hanggan is Nikolas, ka taga Antiyokya, sadik Hintil ka nafasakop has fakatiwalaon Hodyo. 6Ta nataban ka fitok ama has manga Fandiya-Barita. Ka manga Fandiya-Barita nandarangin hanggan nafwalid it manga gamat sasta baba alfoyo. 7In Diyos hampang kaskat wan. In Hisos manga katogbong sas Hirosalim kabagat wa kaaywan, hanggan aywan fag manga fagalan-han-Diyos intiwala yadi. 8In Diyos malooy fag kahowayan hanggan kadonongan sawan Istiban fangayofan sadi wak dahonya. Yakanga hanya nasyagan gibolon manga madolaw fag manga bagay hanggan manga fatimawa. 9Dapat tiba taw gi sadik fanimbaan Hodyo, tagngayan Ista Nafalfas, nalaban in Istiban. Manga Hodyo gis Sirini, gis Alihandriya kagsimba sinya fag fanimbaan. Tonya hanggan manga Hodyo gis Silisya hanggan gis Asya ka nalaban in Istiban. 10Tadwa syagan nadaog maskin in Istiban kadonongan gis Falad Maliyaw. 11Yakanga ta natangdan odi mafyaloman manga ama bohagon kaglwang kitay, Mi nadog wan hanya no kampang igsalan han Mwisis hanggan han Diyos. 12Maskin kitonya, tagfaisogon ka manga fagtahinan sas banwa, hanggan ka mangag faadal Batasan Hodyo kaarakitay omisog yadi in Istiban. Ginya madi ta nagamat in Istiban, nataban hanya has fanifonan Hodyo. 13Taglwang, To fag ama idwag tohas igsalan kampang, iglwang ka Fanimbaan-Dahol idwa fiya, iglaban yadi ka Batasan Hodyo. 14Mi nadog it hampang kitay, tonya fag is Hisos, taga Nasarit, fahakfo ka Fanimbaan-Dahol, hanggan faoman yadi in Mwisis manga faobonan ogali hantam. 15Fagayo fag manga taw ka matokawan sas fanoltolan manga fagtahinan Hodyo igdoro wa fiya fiya in Istiban. Taglag it walong bilang yadi wa walong anghil.

will be added

X\