1 A Yesu Kɩrɩsɩto sãakpãmɩne nɩ nyã, wʋ yin a Nãa David nɩ Abraham bal pɔ, 2 Abraham lɛ ɩ Isaakɩ sãa, ka Isaakɩ mɩ ɩ Jekɔb sãa, ka Jekɔb mɩ dɔ̃ɔ ɩ Juda sãa nɩ a wʋ yɛɛr, 3 ka Juda mɩ ɩ Perejɩ nɩ Jera sãa, ka ba ma di Tamar, nɩ Perejɩ na ɩ Hejoron sãa, ka Hejoron mɩ ɩ Aram sãa, 4 ka Aram mɩ ɩ Aminadab sãa, ka Aminadab mɩ ɩ Nason sãa, ka Nason mɩ ɩ Salmon sãa, 5 ka Salmon mɩ ɩ Boajɩ sãa, ka a wʋ ma di Worahab, ka Boajɩ mɩ ɩ Obed sãa, a wʋ ma lɛ Wʋruf, ka Obed mɩ ɩ Jesɩ sãa, 6 ka Jesɩ mɩ ɩ a Nãa David sãa. David lɛ ɩ a Solomon sãa, ka a wʋ ma dɔ̃ɔ ɩ a Yurɩya pɔɔ. 7 Ka a Solomon mɩ ɩ Wʋrehobom sãa, ka Wʋrehobom mɩ ɩ Abija sãa, ka Abija mɩ ɩ Asa sãa, 8 ka Asa mɩ ɩ Jehosafatɩ sãa, ka a Jehosafatɩ mɩ ɩ Jehoram sãa, ka Jehoram mɩ ɩ Yujiya sãa, 9 ka Yujiya mɩ ɩ Jotam sãa, ka Jotam mɩ ɩ Ahajɩ sãa, ka Ahajɩ mɩ ɩ Hɛjɩkiya sãa, 10 ka Hɛjɩkiya mɩ ɩ Manasɛ sãa, ka Manasɛ mɩ ɩ Amɔn sãa, ka Amɔn mɩ ɩ Josiya sãa, 11 ka Josiya mɩ ɩ Jekoniya sãa, nɩ a wʋ yɛɛr a sɔ̃ɔ 'lɔ ban bar a ba tẽe tɩ chen tɩ kpɩɛrɛ Babilon tẽe. 12 Ban wa tɩ be a Babilon tẽe pɔ, Jekoniya lɛ ɩ a Sealtɩɛl sãa, ka Sealtɩɛl ɩ Jerubabel sãa, 13 ka Jerubabel mɩ ɩ Abiud sãa, ka Abiud mɩ ɩ Eliyakim sãa, ka Eliyakim mɩ ɩ Ajor sãa, 14 ka Ajor mɩ ɩ Jadɔk sãa, ka Jadɔk mɩ ɩ Achɩm sãa, ka Achɩm mɩ ɩ Ɛliud sãa, 15 ka Ɛliud mɩ ɩ Elɩyajar sãa, ka Elɩyajar mɩ ɩ Matan sãa, ka Matan mɩ ɩ Jekɔb sãa, 16 Jekɔb mɩ lɛ ɩ a Josefʋ sãa na ɩ Mɛɛr sɩrɛ 'lɔ lɛ ɩ a Yesu ma, a Yesu nyã lɛ ɩ a Nɩ-iraa. 17 An yi Abraham tɩ ta a Nãa David, a Yesu sãakpãmɩne ɩ naa pie nɩ anaar, an yi Nãa David tɩ tãn a sɔ̃ɔ 'lɔ a ba dɔ̃dɔ̃mɔ̃sɩ na nyɔɔr ba chiin a Babilon wɛr pɔ ba mɩ ɩ naa pie nɩ anaar, an lɛ yi a ba gbãgbaar ɩfʋ a Babilon wɛr pɔ tɩ tãn a Nɩ-iraa a ba mɩ ɩ pie nɩ anaar. 18 Nɩtɔ̃ lɛ a Yesu Kɩrɩsɩto dɔɔfʋ yele tu. A wʋ ma Mɛɛr ŋmaan na Josefʋ baraa tɩchɛ baa kul taa sɛrɛ ɛ, ka Nãaŋmɩn Sɩɛ vɛ̃ ka wʋ tara pʋɔ. 19 A wʋ baraa Josefʋ na ɩ nɩtor jũu, ba bʋɔrɔ ɩka wʋ su wʋ vĩ nɩyɔɔ pɔ ɛ, ka wʋ tɩɛr ɩka wʋ sɔɔl bar wʋ jaa jomm. 20 Wʋn wa tɩɛr a yele nyã maalfʋ, ka a Nãaŋmɩn malaka wa a wʋ sɛ̃ jãn pɔ wa 'yɛr, "Josefʋ, David bie, ta joro dãbɩ̃ɛ ɩka fʋ de a Mɛɛr ka wʋ ɩ a fʋ pɔɔ ɛ, a bie na be a wʋ pʋɔm yin a Nãaŋmɩn Sɩɛ kpɛ̃ɔ pɔ. 21 Wʋn dɔɔn dabile ka fʋ na bʋɔlɔ a wʋ yuor Yesu, 'lɔ lɛ na faa a wʋ nɩbɛ yin a ba yeldɛbɛ pɔ." 22 Anyã a jaa ɩ naa ka a wiil a sɩ Soro 'yɛrbie wʋn dɔ̃ɔ 'yɛr tu a wʋ 'yɛ'yɛrɛ pɔ ɩ yelmɩ̃ɛ, 23 "Nyɛ a pɔɔsarbile na tara na pʋɔ dɔɔ dabile, ban 'yɔ̃ɔn a wʋ yuor Emanuwɛl," a par lɛ, Nãaŋmɩn ben a sɩ sɛ̃. 24 Josefʋ na wa jɛɔ a gʋ̃ɔ pɔ, wʋ ɩn a lɛ jaa a Nãaŋmɩn malaka na 'yɛr ɩka wʋ ɩ. Ka wʋ de a Mɛɛr ka wʋ ɩ a wʋ pɔɔ, 25 tɩchɛ baa lɔɔ sɔ̃ɔ ɛ, tɩ tãn a sɔ̃ɔ 'lɔ wʋn dɔɔ a dabile, na wʋ 'yɔ̃ɔ a wʋ yuor Yesu.
