Maakɩ 15

1A wɛr na wa chaar bibio, a Juu nɩbɛ bɔɔrlo nɩbɛrɛ nɩ a Mosesɩ Nɛɛ wiwiilbe nɩ a nɩbɛrɛ ba jaa nɩ a 'yɛr tɔɔrfʋ nɩbɛrɛ na chɛ, lɔ̃ɔn guor taa lũ a Yesu tara wʋ chiin tɩ kʋ a nãa Pilate. 2Ka a Pilate sʋʋr wʋ, "Fʋ̃ʋ lɛ ɩ a Juu nɩbɛ nãa ɔ?" Ka a Yesu 'yɛr, "Ɔ̃ɔ, a ɩn a lɛ fʋn 'yɛr." 3Ka a bɔɔrlo nɩbɛrɛ sɔ̃ɔnɔ̃ a Yesu yuor. 4Be lɛ a Pilate sʋʋr a Yesu, "Faa 'yɛrɛ 'yɛr jaa ɛ, nyɛ lɛ ban sɔ̃ɔnɔ̃ fʋ a yuor jɩ̃!" 5Tɩchɛ Yesu ba haa nɛɛ ɛ, ka a 'maa a Pilate nɛɛ. 6A mɩ ɩ naa a ba tʋ̃mɔ̃ lɛ ka bala wa lɔ̃ɔ taa dire a Gõl Bar Difʋ, a ba nãa ma ir nɩrɛ 'lɔ a nɩbɛ na bʋɔrɔ a pɔɔfʋ die pɔ bar. 7Barabasɩ mɩ dɔ̃ɔ pʋɔ a nɩbɛ bamɩne pɔ, na dɔ̃ɔ ir jɛɛr nɩ a paal nɩkpɛ̃ɛ na ba kʋ nɩbɛ, ka ba nyɔɔr ba pɔɔ. 8Nɩyɔɔ wa naa a Pilate sɛ̃ wa sʋɔr wʋ ɩka, wʋ ɩ kʋ ba a lɛ wʋn ma ɩ. 9Ka a Pilate sʋʋr ba, "Yɩ bʋɔrɔ naa ɩka n ir a Juu nɩbɛ nãa kʋ yɩ bɩɩ?" 10Pilate bɔ̃ɔn naa ɩka a nyuur ban tara nɩ a Yesu lɛ vɛ̃ ban nyɔɔ wʋ waan a wʋ sɛ̃. 11Tɩchɛ ka a bɔɔrlo nɩbɛrɛ dʋ̃ a nɩbɛ toor ɩka, ba 'yɛr ɩka, wʋ yuo a Barabasɩ bar. 12Ka a Pilate sʋʋr ba go, "Tɩ n ɩ ŋmɩnɛ nɩ a 'lɔ yɩn bʋɔlɔ a Juu nɩbɛ nãa?" 13Ka ba tãn, "Kpa wʋ a daa ju!" 14Be lɛ ka a Pilate sʋʋr ba, "Bãa wʋ ɩ? Bo tʋ̃dɛɛr lɛ wʋ tʋ̃?" Tɩchɛ ka ba tãna kpɛ̃ɔ jaa, "Kpa wʋ a daa ju!" 15Pilate na bʋɔrɔ ɩka wʋ pɛl a nɩbɛ pʋɔ jũu, wʋ yuo naa a Barabasɩ kʋ ba. Wʋ vɛ̃ naa ka ba fɔb a Yesu yɔɔ jaa, tɩ de wʋ kʋ a sojasɩ ɩka, ba tɩ kpa wʋ a daa ju, ka wʋ kpi. 16Be lɛ a sojasɩ tara a Yesu kpɛ̃n a nãa yir kpɛ̃ɛ 'lɔ pɔ, tɩ bʋɔl a ba taaba sojasɩ lɔ̃ɔ taa. 17Ba den fuu jɩɛ nãa fuu kaar su wʋ, na ba lɛ de gʋʋr vil nãa jupil kaar su wʋ. 18Tɩ pãa piel laara wʋ, "Yãan yooo, Juu nɩbɛ nãa!" 19Tɩ ma de daa ŋmen wʋ a jũu tɩ chɩrɛ nataar 'yɔ̃ɔnɔ̃ wʋ. Ba gbur dumo a wʋ niem puoro wʋ. 20Ban wa la wʋ a nɩtɔ̃ wa baar, ba yaa naa a fuu 'lɔ̃nɔ̃ bar, tɩ de a wʋ mɩ̃ɛ fuu su wʋ, na ba pãa de wʋ chiin ɩka ba tɩ kpa wʋ a daa ju. 21A sɔr pɔ, ba nyɛn Simon na yi Sirenɩ tẽe pɔ, Aleksanda nɩ Worofʋs sãa lɛ. Mʋɔ pɔ lɛ wʋ yi tala, ka ba nyɔɔ wʋ fɩr ka wʋ de a Yesu daa tuo. 22Ba chiin naa a Yesu tɩ tãn a be ban bʋɔlɔ a Yesu nɩbɛ kɔkɔr pɔ, Gɔlgɔta. A par lɛ ɩka, Julaa Jie. 23Ka ba pãa de tɩ̃ɩ kɔ̃ɔ 'yɔ̃ɔ a dãa pɔ, ɩka wʋ nyũ, tɩ wʋ tɔr. 24Be lɛ ba kpa wʋ a daa ju. Ba põ naa a wʋ fɔɔr na ba ŋme gbãm bɔ̃ɔ a ala ɩ̃sʋɔ jaa na na de. 25Bibipɔl lɛ ba kpa wʋ. 26Ba sɛb naa a yele 'lɔ jũu ban kʋn wʋ mar a daa jũu ɩka, "A JUU NƖBƐ NÃA." 27Ba mɩ kpan nãnyisɩ ayi a dabãbɩ̃nsɩ mɩ ju, ka ɩ̃sʋɔ be a Yesu nũsʋ̃ɔ loor ka a ɩ̃sʋɔ mɩ be a wʋ gʋba loor. 29A bala na tala a be a wʋ kpafʋ jie tʋrɔ wʋ, vavire a ba jur 'yɛrɛ, "Wooo, a fʋ̃ʋ nyã na 'yɛr ɩka fʋn sɔ̃ɔ naa a Nãaŋmɩn Puorfʋ Yir nyã bar tɩ mɛ wʋ a ber ata, 30wa suu a daa ju, na fʋ faa a fʋ mɩ̃ɛ!" 31Lɛ nɩ wʋ ju lɛ, a Juu nɩbɛ bɔɔrlo nɩbɛrɛ nɩ a Mosesɩ Nɛɛ wiwiilbe mɩ laara wʋ, na ba 'yɛrɛ kʋrɔ taa, "Nyɛ, wʋ faan bamɩne, tɩ wʋ kʋ̃ tʋ̃ɔ a wʋ mɩ̃ɛ faa ɛ! 32Vɛ̃ a 'lɔ na 'yɛr ɩka, 'lɔ lɛ ɩ a Nɩ-iraa, na wʋ ɩ a Isɩral nɩbɛ nãa, suu a daa ju a sɩ kaa, tɩ na sɩ pãa sɔɔ." A bala mɩ ban kpa gbʋr wʋ, lɛ lɛ ba mɩ tʋ wʋ. 33A mɔ̃tɔ̃ɔ na wa ara a gar ju sãlsɔɔ, a wɛr wʋ jaa sɔb naa wa tɩ tãn a mɔ̃tɔ̃ɔ balfʋ sɔ̃ɔ. 34A sɔ̃ɔ 'lɔ̃nɔ̃ pɔ lɛ, ka a Yesu chɩɩr bʋɔl, "Eloi, eloi, lama sabakatanɩ." A par lɛ a Yesu nɩbɛ kɔkɔr pɔ ɩka, "N Nãaŋmɩn, n Nãaŋmɩn, bo lɛ so ka fʋ lɩɛb puor 'yɔ̃ɔ ma?" 35A bala na ara gbʋr a be wõ na ba 'yɛr, "Yɩ chɛlɛ! Elaija lɛ wʋ bʋɔlɔ." 36Ka a daba ɩ̃sʋɔ jo chen tɩ 'mɔɔ sapɔ 'lɔr a dãmiir amɩne pɔ, na wʋ chab daa tur a Yesu ɩka wʋ mʋʋr, tɩ na wʋ lɛ 'yɛr, "Yɩ vɛ̃ a sɩ kaara, Elaija na wa yɔɔ wʋ naa bɩɩ." 37Be lɛ a Yesu chɩɩr tɩ ŋmaa a vʋʋr. 38Ka a Juu Nɩbɛ Puorfʋ Yir pɔ, ban lũ a fɔbaa var a die chɩɛr a saaju tɩ gbem a par. 39A sojasɩ nɩkpɛ̃ɛ na ara a be a Yesu niem na wõ a wʋ chɩɩrfʋ, tɩ nyɛ a lɛ mɩ wʋn ŋmaa a vʋʋr, wʋ 'yɛr naa, "Yelmɩ̃ɛ jaa, a daba nyã ɩ naa a Nãaŋmɩn Bie." 40A pɔbɔ bamɩne lɔ̃ɔn Mɛɛr na yi Magdala tẽe pɔ, nɩ Salome, nɩ a Mɛɛr na ɩ a Jemesɩ bile, nɩ Josesɩ ma mɩ ara na tɛɛr jaa tɩ kaar wʋ. 41A Galilee pɔ, a pɔbɔ banyãna lɛ turo wʋ, na ba sʋ̃nɔ̃ wʋ. Ka a pɔbɔ bamɩne mɩ na 'matãan wʋ wa a Jerusalɛm, mɩ be be. 42A daar 'lɔ ɩ naa a ba Chɔɔrfʋ Bɩbir ban na chɔɔr a ba mɩ̃ɛ, bojũu a mɔ̃tɔ̃ɔ wa mʋr, a Pɛ̃nfʋ Bɩbir piel naa. A jãanʋɔr na wa tara 43a Josefʋ na yi a Arimatɩya tẽe pɔ, na ɩ a nɩkpɛ̃ɛ ɩ̃sʋɔ ban 'yɔ̃ɔnɔ̃, tɩ mɩ dɔ̃ɔ chɛlɛ a Nãaŋmɩn Nãalʋ̃ʋ, nyɔɔn nyãa chen a Pilate sɛ̃, tɩ sʋɔr a Yesu ɩ̃gãn ɩka wʋ ũu. 44Pilate na wa wõ ɩka a Yesu kpi naa, a 'maa wʋn nɛɛ. Be lɛ wʋ bʋɔl a sojasɩ nɩkpɛ̃ɛ ka wʋ wa, ka wʋ sʋʋr wʋ, "A Yesu kpin bɩɩ?" 45Ka a sojasɩ nɩkpɛ̃ɛ 'yɛr, "Ɔ̃ɔ, wʋ kpi naa." Ka a Pilate sɔɔ ɩka a Josefʋ wʋ tɩ yɔɔ a Yesu ɩ̃gãn. 46Josefʋ dãn fɔbaa na wʋ tɩ yɔɔ a Yesu ɩ̃gãn vil wʋ chiin tɩ ũu, a yaa ban chɩ kʋsɩr pɔ. Ba bil kʋsɩr wa pɔɔ a yaa nɛɛ. 47A Mɛɛr na yi a Magdala, nɩ a Mɛɛr na ɩ a Josesɩ ma, nyɛ naa a jie 'lɔ ban ũu wʋ.

will be added

X\