3 Jɔɔn 1

1Maa na ɩ a nɩkpɛ̃ɛ lɛ sɛb a gãn nyã kʋrɔ a fʋ̃ʋ Gayus na ɩ a n baraa, ɩn nʋ̃ a yelmɩ̃ɛ jũu. 2N baraa, n sʋɔrɔ na Nãaŋmɩn ɩka a fʋ ɩ̃gãn wʋ kpɛ̃mɛ ka a yele a jaa ɩ vɩla kʋ fʋ, nɩtãa lɛ a fʋ sɩɛ na kpɛ̃mɛ. 3Nʋ̃ɔ kpɛ ma naa lɛ a yɛɛr bamɩne na wa 'yɛr a lɛ fʋn turo a yelmɩ̃ɛ na fʋ chiine a yelmɩ̃ɛ pɔ. 4Bon jaa maa ɩ ma nʋ̃ɔ jɩ̃ ɩn maa wõ ɩka a n bibiir chiine naa a yelmɩ̃ɛ pɔ. 5N baraa, fʋ tara na yelmɩ̃ɛ a lɛ fʋn maala kʋrɔ a yɛɛr, ba gba na ɩ sãanba a fʋ sɛ̃. 6Ban wa, ba wa 'yɛr naa a fʋ nʋ̃fʋ kʋ a pupuorbiir a ka. Mɔ̃ na fʋ ma bar ba a sɔr a lɛ nɛ, lɛ lɛ pɛlɛ a Nãaŋmɩn pʋɔ. 7Yesu yuor jũu lɛ ba chiine, na ba maa sɔɔ de bon jaa a bala na ba ɩ a Yesu turbo sɛ̃ ɛ. 8Sɩn lɛ a sɛɛ ɩka sɩ sʋ̃ʋ ba na sɩ pʋɔ ba 'mataa tʋ̃ kʋ a yelmɩ̃ɛ. 9N sɛb sɛbile kʋ a pupuorbiir na be a fʋ sɛ̃, tɩchɛ a Diotɩrefes na bʋɔrɔ ɩka wʋ ɩ a nɩdiere, sɩn nɩ 'lɔ ba tara nɛbʋ̃'yen ɛ. 10Ala lɛ so, maa wa tɩ ɩn 'yɛr yɩ naa a lɛ wʋn yʋɔrɔ hũhũnõ ŋmara a jirsɩ 'yɔ̃ɔnɔ̃ sɩ. A lɛ tɛɛ ba lɛ ɛ, tɩ wʋ maa sɔɔ de a sɩ yɛɛr ɛ. Wʋ ma ŋmaan a bala na bʋɔrɔ ɩka ba de ba sɔr tɩ ma dii ba bar a puorfʋ jie. 11N baraa, ta tɔɔr yeldɛɛr ɛ, tɩchɛ tɔɔrɔ yelvɩla, nɩrɛ 'lɔ na maala vɩla bɔ̃ɔn Nãaŋmɩn. Tɩchɛ nɩrɛ 'lɔ mɩ na maala dɛɛr ba bɔ̃ɔ Nãaŋmɩn ɛ. 12Demetirus, nɩrɛ jaa 'yɛr a wʋ vɩla maalfʋ 'yɛr, a yelmɩ̃ɛ mɩ din a wʋ dãasɩɛ. Sɩn mɩ din a wʋ vɩla dãasɩɛ, ka yɩn mɩ bɔ̃ɔn ɩka a sɩ dãasɩɛ ɩn sɩrɛ. 13N chɛnɛ na tara yelyɔɔ ɩn taa sɛb kʋ fʋ, tɩchɛ n ba bʋɔrɔ ɩka n sɛb ɛ. 14A kʋ̃ lɛ kor ɛ, n bʋɔrɔ naa ɩka n nyɛ fʋ a sɩ jɩ̃nɛ 'yɛr. 15Nyã'maar wʋ be a fʋ sɛ̃. A sɩ barmɩne na be ka puor fʋ naa, mɩ puor a sɩ barmɩne na be a be bʋ̃'yen 'yen.

will be added

X\