1 Korɩntɩ 13

1Ala ɩ n ma tʋ̃ɔ 'yɛr a nɩbɛ kɔkɔ bʋrsɩ a jaa, naa tʋ̃ɔ 'yɛr a malakasɩ kɔkɔɛ, tɩchɛ naa ba tara nʋ̃fʋ ɛ, ɩn kaara naa fɩka kur ban ŋmiere a wʋ pɔɔrɔ gɔ̃mɔ̃. 2Ala ɩ n tara naa a Nãaŋmɩn 'yɛr 'yɛrfʋ kʋfʋ, naa bɔ̃ɔ a yelsɔɔlsɩ a jaa, naa bɔ̃ɔ yɛ̃ jaa bʋrɔ, ka ala ɩ n mɩ tara na sɔɔfʋ naa ma 'yɛr tɔ̃n ka a ir, tɩchɛ naa ba tara nʋ̃fʋ ɛ, n ɩn bʋ̃pɔrɔ. 3Ala ɩ n den a n bʋ̃tarsɩ a jaa põ nɔ̃n dẽme, naa sɔɔ ɩka ba de a n ɩ̃gãn 'yɔ̃ɔ bũu 'lɩraa pɔ, tɩchɛ naa ba tara nʋ̃fʋ ɛ, n ba tara tɔ̃nɔ̃ ɛ. 4Nʋ̃fʋ ma tara na kãnyir, nʋ̃fʋ ma maala na vɩla, waa jɩɛlɛ nɩrɛ bon ɛ, waa bʋɔrɔ yuor ɛ, waa 'mɔɔrɔ wʋ mɩ̃ɛ ɛ. 5Nʋ̃fʋ ba tara nɛtuo ɛ, waa bʋɔrɔ wʋ yõ tɛɛ bomo ɛ, wʋ maa nyɛ suur fɔɔ ɛ, waa 'yɔ̃ɔnɔ̃ nɩrɛ pʋ̃ɔm ɛ. 6Nʋ̃fʋ ba nʋ̃ yelbier jie ɛ, tɩchɛ wʋ ma nʋ̃n yelmɩ̃ɛ jie. 7Nʋ̃fʋ ma gun taa lɛ sɔ̃ɔ jaa, wʋ ma sɔɔn yele a jaa, waa baala ɛ, nʋ̃fʋ ma sɔɔn ka a wõ wʋ. 8Nʋ̃fʋ maa ɩ faa ɛ, Nãaŋmɩn 'yɛr 'yɛrfʋ na wa ŋmaa naa, ka a kɔkɔ dɩ̃gɩlsɩ 'yɛrfʋ mɩ wa tɛɛ, ka a bɔ̃ɔfʋ mɩ wa po chen. 9Bojũu a bɔ̃ɔfʋ kʋfʋ ɩn ŋmaa, ka a Nãaŋmɩn 'yɛr 'yɛrfʋ mɩ ɩ ŋmaa, 10tɩchɛ a bʋ̃mɩ̃ɛ wa wa, a bʋ̃gãagiel na bɔr naa. 11A lɛ daar ɩn ɩ a bibile, bibi'yɛr lɛ n ma 'yɛrɛ, naa tara a bibiyɛ̃ naa ma tɩɛrɛ a bibitɩɛr. Tɩchɛ ɩn wa ɩ nɩkpɛ̃ɛ baar, n lɔb a bibiyele a jaa bar. 12Pʋ̃pãanyã 'lɔ, chãana pɔ lɛ sɩ kaara jaa tũfuru, tɩchɛ sɩn wa tuor taa nɩ gbie. Pʋ̃pãanyã 'lɔ ŋmaa lɛ n bɔ̃ɔ, tɩchɛ ɩn pãa wa bɔ̃ɔ wʋn baar nɩtãa lɛ wʋ mɩn bɔ̃ɔ ma. 13Pʋ̃pãanyã a yelsɩ ata anyãna lɛ ba tɛɛrɛ ɛ, sɔɔfʋ, tɩɛrtɔfʋ jie nɩ nʋ̃fʋ. Tɩchɛ a anyãna a jaa pɔ, nʋ̃fʋ lɛ gar a jaa.

will be added

X\