Hɩnkarɛ Ci 10

1Bɩ jɛ ʋ bɩ, mɔɔ malɛɛka paŋŋazaa deem yɩ, an a to brama, an nɩ zerm, warkʋ n a kurə ɩ ʋ, huu m. Brama hɔwasɩʋʋrɛ n a bɩr a mim ma, a meer nɩ yɩrɛ ɩ ʋ wosogure m. A gannɔ nɩ yɩrɛ ɩ ʋ sɛ y'a zaa da. 2Ci poore n'a wɔ ʋ, an gʋ. A n a bɩsɩ gam tɔ higʋta ra, an a jɩsa gam tɔ tara ra. 3A n zee gʋta da, an bɔ kʋ ʋ kan poozaa baadarɛ kɩ. K'a zee bɩ da kan paŋŋa kɩ bɩ, bramahəənsire saanhɩnarɔ wɔɔ baa da. 4Kʋ bramahəənsire saanhɩnarɔ wɔɔ baa da bɩ, mɔɔ nyɩnta kʋ m a gʋrsɩra ba, mɔɔ leer ma an a to brama, an n'a hɩm mɔɔ m, a ʋ: Bramahəənsire saanhɩnarɔ wɔɔ leer nyaakʋm da, ɩ bɩ ŋ da ci ʋ y. 5Malɛɛka kʋ mɔɔ nyɩnta m a yɩ, an nɩ jɩnɩm higʋta kan tara kɩ burə ʋ bɩ, a a bɩsɩ wɔ busu brama, an a wer si 6k'an bɔ m mɩsɩr dɔɔraa nyarɛ ba ʋ bɩ nɔ ʋ, an brama da kan tara kɩ kan hɔɔ haay kʋ ŋ nɩ ŋ nɔ ʋ rɔ wɔɔ kɩ, an higʋta da kan hɔ k'a n'a nɔ ʋ bɩ kɩ m, a ʋ: Dɔmɩm darɛ ba ʋ dɔ y. 7Dɔmɩm kʋ malɛɛka saanhɩna hɔ bɩ n n'a huure bɩ hɛŋ ʋ bɩ, Woso mim k'a nyaakʋm da bɩ kʋ yɩrɛ, amba a hɩ a zibəənyɩnɔ lɛsinnɩsorazannɔ padarɛ m bɩ m. 8Leer kʋ mɔɔ ma an a to brama b'a ya an a hɩ mɔɔ m, a ʋ: Ta, ɩ ci kʋ n y'a gʋ malɛɛka k'a nɩ jɩnɩm higʋta burə ʋ kan tara kɩ wɔ ʋ bɩ si. 9Mɔɔ nɩ m zɔ malɛɛka bɩ ma, m a yɛ han k'an ci poore bɩ ka m ʋ. A n a hɩ mɔɔ m, a ʋ: A si, ɩ sʋ. A nyɩntam kʋsɩ-kʋsɩ ɩbɩɩ nɔ ʋ. Bɩ, a nyɩntarɛ am zɔɔn hɔ bɩ m ɩbɩɩ lɛ ʋ. 10Mɔɔ n ci poore bɩ si malɛɛka bɩ wɔ ʋ, m a sʋ. Mɔɔ lɛ ʋ bɩ a nyɩnta am zɔɔn hɔ bɩ m. Bɩ kʋ mɔɔ sʋ bɩ, mɔɔ nɔ a ba kʋsɩ-kʋsɩ. 11N n a hɩ mɔɔ m, n ʋ: A a ga m k'ɩbɩɩ n ɩ ya, ɩ Woso lɛ si ɩ so ra kʋrɔ gʋta minto, tararɔ gʋta minto, lemim gʋta kan cinno gʋta kɩ minto.

will be added

X\