Matiyee 1

1Yeezuu yaabɔɔ wɔɔ ba n nɩ: Yeezuu ɩ yɩrɛ ɩ ʋ, cir Davɩd Nyɩ m, Abraham do gʋaa m sɔ. 2Abraham n Izakkɩ yɩ, 3Ziida n Farɛɛs kan Zaaraa kɩ yɩ, ŋ da m Tamaar m, Farɛɛs n Ɛsrɔm yɩ, Ɛsrɔm n Aram yɩ, 4Aram n Aminadaab yɩ, Aminadaab n Naasɔɔn yɩ, Naasɔɔn n Salmɔɔn yɩ, 5Salmɔɔn n Boozɩ yɩ, a da m Rahab m, Boozɩ n Zobɛɛd yɩ, a da m Rutɩ m, Zobɛɛd n Yesee yɩ, 6Yesee n cir Davɩd yɩ, Davɩd n Salomɔɔn yɩ, a da nyɩnta Iirii lʋ, 7Salomɔɔn n Roboam yɩ, Roboam n Abɩya yɩ, Abɩya n Azaa yɩ, 8Azaa n Zozafat yɩ, Zozafat n Zooram yɩ, Zooram n Ozɩyas yɩ, 9Ozɩyas n Zowatan yɩ, Zowatan n Akaazɩ yɩ, Akaazɩ n Ezekɩyas yɩ, 10Ezekɩyas n Manase yɩ, Manase n Amɔɔn yɩ, Amɔɔn n Zozɩyas yɩ, 11Zozɩyas n Zekonɩyas kan a dannɔ kɩ yɩ. A n a ga kʋ ʋ kan Babɩlɔnnɩ lɔmbaa tarɛ dɔmɩm bɩ kɩ. 12Babɩlɔnnɩ lɔmbaa bɩ jɛ ʋ bɩ, Zekonɩyas Salatɩyɛl yɩ, Salatɩyɛl n Zorobabɛl yɩ, 13Zorobabɛl n Abiyud yɩ, Abiyud n Eliyakim yɩ, Eliyakim n Azɔɔr yɩ, 14Azɔɔr n Sadɔk yɩ, Sadɔk n Akim yɩ, Akim n Eliyud yɩ, 15Eliyud n Eleyazaar yɩ, Eleyazaar n Matan yɩ, Matan n Zakɔɔb yɩ, 16Zakɔɔb n Maarii zim Zozɛf yɩ, Maarii bɩ do ɩ Yeezuu yɩ n n'a birm Krista. 17Yaabɔɔ wɔɔ haay lɛ a zɛ kʋ ra bueeresi-si. A n a sa Abraham ma an ta m Davɩd ra bueeresi, an a sa Davɩd ma an ta m Babɩlɔnnɩ lɔmbaa ma bueeresi, an a sa Babɩlɔnnɩ lɔmbaa ma an ta m Krista ra bueeresi. 18Yeezuu yɩrɛ bɩ zaa ba n nɩ: A da Maarii bɩ, nyɩnta a ʋ Zozɛf jaan, bɩ, an lɛɛ ka kʋ Maarii n a ba Zozɛf lʋ bɩ, Sɛnt-Ɛspri a ka Maarii n jɩsɩ sa. 19A jaan Zozɛf bɩ kʋ gʋaa mɩŋŋa m bɩ, a n a ŋʋa k'a a da nyannɩ ʋ y. A n a hɔɔn da k'a wɔ saa kʋ gɔsɩ b'a dɔ y. 20K'a n'a hɔɔn darɛ ncɩnaaʋ bɩ, Zuuba Malɛɛka bʋr zi nɩnnarɛ nɔ ʋ, an a hɩ m, a ʋ: "Zozɛf, Davɩd do gʋaa, ɩ bɩ nyi ba k'ɩ Maarii sa ɩ ba ɩ lʋ y, bala, Sɛnt-Ɛspri paŋŋa y'a ka, an nɩ jɩsɩ bɩ m, 21a nyɩ yɩm yar, k'ɩ tɔ ka Yeezuu, bala, a m n'a do bɩ bʋmbɔrɛ a mimbʋnyaarɔ nɔ ʋ." 22Naa do woo••• naa, ba ʋ kʋ meerbaa kʋ Woso a ba kan a lɛsinnɩsorazaa lɛ kɩ bɩ n kʋ yɩ. 23A ba n nɩ: nyɩmbʋɛɛrɛ k'a n yar dɔ bɩ jɩsɩ sim, an nyɩ yɩ yar, n y'a tɔ karɛ Emanʋwɛl, a jɩ lɛ taa k'a hɩ, a ʋ: Woso ɩ kan wɔɔ kɩ. 24Zozɛf k'a bɩ gu hinceem ma bɩ, a hɔ kʋ Zuuba malɛɛka b'a hɩ m bɩ ba: A Maarii gaa, an a ba a lʋ, 25bɩ, a n a dɔ lʋ y, an ta an aa dɔmɩm k'a nyɩyar bɩ yɩ ʋ bɩ ku, an a tɔ ka Yeezuu.

will be added

X\