1 Hɔ k'a nyɩnta ʋ a sɩŋŋɩda ʋ, wɔɔ n a ma, wɔɔ n a yɩ, ʋ mɩm m. Wɔɔ n dɩga a sɩɩ•••, ʋ ʋ wɔ da ma, an nɩ mɩsɩrbaa Lemim dɩndam bɩ, 2 bala, mɩsɩrbaa bɩ do a hɩnka wɔɔ n a yɩ, ʋ n'a kasɛtɩ karɛ, ʋ nɩ mɩsɩrbaa k'a nyarɛ ba ʋ bɩ mim hɩrɛ awɔɔ m. A ɩ nyɩnta Zɩ zi, an b'a hɩnka wɔɔ m. 3 Hɔ kʋ wɔɔ yɩ, ʋ a ma sɔ bɩ, wɔɔ y'a pa darɛ awɔɔ m sɔ, k'awɔɔ n a da ma, a a zɛ kʋ ra kan wɔɔ kɩ. Bɩ wɔɔ ʋ zɛ kʋ ra kan Zɩ kɩ kan a Nyɩ Yeezuu Krista kɩ. 4 Naa wɔɔ n'a gʋrsɩra barɛ awɔɔ ma, kʋ wɔɔ heernyɔɔ bɩ n yɩ gʋta. 5 Lemim kʋ wɔɔ ma zi, ʋ n'a pa darɛ awɔɔ m bɩ ba n nɩ. Woso bɩ, lɛɛgure m. Monsigə ba zi fɩɩgaa y. 6 Kʋ wɔɔ hɩ, wɔɔ ʋ: "Wɔɔ ʋ zɛ kʋ ra kan kɩ", ʋ bɔkarɛ, ʋ nɩ tam monsigə ʋ, ŋʋaar wɔɔ n'a barɛ, bɩ wɔɔ bɩr sɩra barɛ y. 7 Bɩ, kʋ wɔɔ ɩ tam lɛɛgure ʋ, amba a mɩŋŋa nɩ lɛɛgure nɔ ʋ bɩ nɩ, wɔɔ ʋ zɛ kʋ ra kan ʋ muno kɩ, b'a Nyɩ Yeezuu bɩ ma bɩ nɩ wɔɔ hubɔm wɔɔ mimbʋnyaarɔ haay nɔ ʋ. 8 Bɩ kʋ wɔɔ ʋ: "Mimbʋnyaa ba wɔɔ ma y", bra wɔɔ n'a barɛ ʋ mɩŋŋɔɔ m, sɩra bɩ wɔɔ nɔ ʋ y. 9 Kʋ wɔɔ ʋ mimbʋnyaarɔ bɔ ʋ lɛ ma Woso taa, a wɔɔ mimbʋnyaarɔ sugur kam wɔɔ ʋ, an tɩrgabaawar haay gʋ wɔɔ ma, bala, sɩrazaa m b'a tɩrga sɔ. 10 Kʋ wɔɔ hɩ, wɔɔ ʋ: "Mimbʋnyaabənno bɛɛ m wɔɔ nɩ", a ba wɔɔ ʋ ŋʋaarzaa, b'a meerbaa ba wɔɔ nɔ ʋ y.
