Sakari 12

1Gari yi Yinni Gusunɔ u gerua Isireliban sɔ̃ wee. Wi, wi u wɔllu ka tem mɔma, ma u maa tɔnu hunde dokea 2u nɛɛ, na Yerusalɛmu kua nge nɔra ye ya nɛn mɔru yiba nge tam. Ya koo bwese ni nu ka ye sikerenɛ woo tiro kpɛ̃ɛ. Woo tiro ge, ga koo Yudaba kpuro nɛnɛ bà n Yerusalɛmu tarusi. 3Tɔ̃ɔ te sɔɔ, kon ye gɔsia nge kpee bakaru. Be ba kĩ bu tu sua ba koo mɛɛra wa. Handunian bwesenu kpuro nu koo mɛnna nu tu wɔri. 4Yen tɔ̃ɔ te, Yinni Gusunɔ u nɛɛ, kon ben dumi woo tiro kpɛ̃ɛ kpa n yin maasɔbu nɔni swãaru kpɛ̃ɛ, kpa n bwese tukunun dumi wɔ̃koru kpɛ̃ɛ. Adama kon Yudaba kɔ̃su. 5Yudan wirugibu ba koo nɛɛ, Yerusalɛmugiba ba sãa ben dam nɛ, Gusunɔ ben Yinnin sɔ̃, nɛ wi na wɔllu ka tem mɔ. 6Yen tɔ̃ɔ te sɔɔ, kon Yudaban wirugibu kowa nge dɔ̃ɔ boko dãa sɔ̃ɔwɔ, ǹ kun mɛ nge wii bɔn tèn dɔ̃ɔ ba sɔka dĩa bɔkunu sɔɔ. Ba koo bwese ni nu ka bu sikerenɛ kamiawa mam mam. Adama Yerusalɛmugibu ba ko n sɔ̃wa ben temɔ. 7Nɛ, Yinni Gusunɔ kon Yudaban yɛnusu faaba ko, kpa Dafidin yɛnun bɛɛrɛ ka Yerusalɛmugibun bɛɛrɛ yu ku raa Yuda be ba tiegia kera. 8Yen tɔ̃ɔ te, kon Yerusalɛmugibu kɔ̃su. Be sɔɔ, wi u kun daa dam mɔ, u koo dam kowa nge Dafidi. Kpa Dafidin yɛnugibu ba n sãa nge Gusunɔn gɔrado wi u yɔ̃ ben wuswaaɔ. 9Yen tɔ̃ɔ te, kon kookari ko n bwese ni kpuro go ni nu Yerusalɛmu wɔrim wee. 10Kon de Dafidin yɛnugibu ka Yerusalɛmugibu ba n wɔnwɔndu mɔ kpa ba n da kanaru ko, kpa bu gɔsirama nɛn mi, nɛ wi ba yaasa sɔka. Ba koo man swĩisi nge wìn bii teereru ta gu. Ba koo swĩwa ka nuku sankira bakanu nge wìn bii gbiikoo u gu. 11Yen tɔ̃ɔ te, nuku sankiraru ta ko n kpã Yerusalɛmuɔ nge te ba kua Hadadirimɔɔn sɔ̃ Mɛgidon wɔwaɔ. 12Tem mɛ kpuro sɔɔ, ba ko n gɔɔ wooru sɔ̃wa yɛnu ka yɛnu. Dafidin yɛnugibu, kurɔbu ka durɔbu nɛnɛm. Natanin yɛnugibu, kurɔbu ka durɔbu nɛnɛm. 13Lefin yɛnugibu, kurɔbu ka durɔbu nɛnɛm. Simɛin yɛnugibu, kurɔbu ka durɔbu nɛnɛm. 14Nge mɛya yɛnu si su maa tien tɔmbu ba ko n gɔɔ wooru sɔ̃ nɛnnɛnka, kurɔbu ka durɔbu nɛnɛm.

will be added

X\