Sakari 1

1Darusin bandun wɔ̃ɔ yirusen suru nɔɔba itase sɔɔra Yinni Gusunɔ u ka win sɔmɔ Sakari, Berekian bii, Idon debubu gari kua u nɛɛ, 2nɛ, Yinni Gusunɔ na ka bɛɛn baababa mɔru kua too. 3Yen sɔ̃, na bɛɛ sɔ̃ɔmɔ, i wurama nɛn mi, kpa nɛ, Gusunɔ wɔllu ka tem Yinni n maa wura bɛɛn mi. Nɛ, Yinni Gusunɔwa na yeni gerua. 4I ku ka bɛɛn baababa weena be nɛn sɔmɔ gbiikobu ba nɛn gari sɔ̃ɔwa ba nɛɛ, bu ben daa kɔ̃sa derio. Adama ba ǹ sɔmɔ be swaa daki bu sere man mɛm nɔɔwa. 5Mana bɛɛn baaba be, ba wãa tɛ̃. Sɔmɔ ben tii, ba wãa sere ka tɛ̃? 6Aawo, ba gu. Ka mɛ, wooda ka gari yi na nɛn sɔmɔ be wɛ̃, ba yi bɛɛn baababa sɔ̃ɔwa, ma ba gɔ̃ru gɔsia ba nɛɛ, nɛ Gusunɔ wɔllu ka tem Yinni na bu kua nge mɛ na gɔ̃ru doke ben daa kɔ̃san sɔ̃. 7Darusin bandun wɔ̃ɔ yirusen suru wɔkura tiase, wi ba mɔ̀ Sebati, win sɔ̃ɔ yɛnda nnɛse sɔɔra Yinni Gusunɔ u ka win sɔmɔ Sakari, Berekian bii, Idon debubu gari kua kãsiru sɔɔ. 8Wee ye u wa kãsi te sɔɔ. Wɔ̃kuru, u durɔ goo wa u dum swãa sɔni u ka yɔ̃ dãnu ganun suunuɔ, wɔwa gaa sɔɔ. Ma dum swɛ̃ɛ ka dum bɛrɔ wurusu ka dum kaaba yi wãa win biruɔ. 9Ma u bikia u nɛɛ, nɛn Yinni, mba dumi yin tubusianu. Ma Gusunɔn gɔrado wi, u nùn sɔ̃ɔwa u nɛɛ, kon nun yi tubusia. 10Yera u nùn sɔ̃ɔwa u nɛɛ, dumi yi, yi sãawa yi Gusunɔ u gɔrima yi ka tem bukiana. 11Ma dumi yin tii yi gɔrado wi sɔ̃ɔwa yi nɛɛ, sa tem bukiana sa wa mɛ kpuro mu wãa bɔri yɛndu sɔɔ. 12Ma gɔrado wi, u nɛɛ, Gusunɔ wɔllu ka tem Yinni, sere saa yerà kaa Yerusalɛmu ka Yudaban wuu si su tien wɔnwɔndu wa, si a ka mɔru sãa saa wɔ̃ɔ wata ka wɔkurun di. 13Ma Yinni Gusunɔ u gɔrado wi wisa ka gari dori yi yi nùn gɔ̃ru yɛmia. 14Gɔrado wi, u maa nùn sɔ̃ɔwa u nɛɛ, a geruo a nɛɛ, amɛniwa wi, Yinni Gusunɔ u gerua. U nɛɛ, u Yerusalɛmu ka Siɔnin kĩru mɔ ta kpã. 15Mɛya u ka bwese ni nu tii sue mɔru mɔ̀. Yellu u raa ka nu mɔru kua fiiko. Ma nu Yerusalɛmu kɔ̃sa kua. 16Yen sɔ̃na wi, Gusunɔ wɔllu ka tem Yinni u nɛɛ, u koo Yerusalɛmun wɔnwɔndu ko. Ba koo win sãa yeru bani. Kpa bu Yerusalɛmun kpɛɛkpɛɛku yĩire. 17Win wusu su koo dukia yibu. U koo maa Yerusalɛmu nukuru yɛmiasia. Kpa u maa ye gɔsi win tiin sɔ̃. Wi, Gusunɔ, wɔllu ka tem Yinniwa u yeni gerua.

will be added

X\