Womu Duro 6

1mana wunɛn kĩnasi wi, u da, wunɛ wi a kurɔbu kpuro buram kere. Bera mana u gɛre, kpa su ka nun wi kasu. Kurɔ u nɛɛ, 2nɛn kĩnasi u dawa win dãa gbaarɔ, mi turare bii wãa yi yi kpiibu wee, u ka win sabenu kpara kpa u biibii bɔɔri. 3Na sãawa nɛn kĩnasigii, ma u maa sãa nɛgii. U win sabenu kparamɔ biibiin suunu sɔɔ. Durɔ u nɛɛ, 4a girima mɔ nge wuu ge ba mɔ̀ Tirisa. Nɛn kĩnasi, a wã nge Yerusalɛmu. A nanum mɔ nge tabu sĩa ka yen gidi bɔra. 5A ku maa man mɛɛri. Domi wunɛn nɔni yi nɛn kĩru seeyamɔ. Wunɛn seri yi sãa nge boo wuuru te ta saramamɔ Galadin guurun wɔllun di. 6Wunɛn donnu nu buriri nge yãa nìn sansu ba bɔɔra nu nim nɔrum wee, nu maa nɔɔ nɛwa swɛɛ swɛɛ, nin gara kun kande. 7Wunɛn baanu nu ballimɔwa nge dire sɔnsɔm bia wunɛn sɔnditian wɛ̃rin di. 8Sinanibun geera sãawa wata, sina kurɔbu maa wɛnɛ. Wɔndiaban geera kun nɔru mɔ be. 9Adama nɛn kĩnasi wi, u ǹ bau mɔ, u sãawa nɛnɛm be sɔɔ. U sãawa win mɛron bii wɔndia teereru te u kĩ too. Wɔndia be ba nùn wa, ba nɛɛ, u sãawa domarugii. Sinanibu ka ban sina kurɔbu ba maa nùn siara ba nɛɛ, 10wara u yarimam wee nge buruku sɔ̃ɔ. Wara u wã mɛ nge suru. Wara u ballimɔ nge sɔ̃ɔ. U nanum mɔ nge tabu sĩa ka yen gidi bɔra. 11Na da dãa gbaarɔ mi dãa marum wãa, n ka wa yakasu sù n kpia wɔwaɔ, kpa n wa resɛm tɔ̃ka yà n kpara, kpa n maa wa dãa te ba mɔ̀ gerenadi tà n wɛ̃su sãa. 12Na ǹ ka baaru nɛn bwɛ̃ra man sua, ya man doke nɛn tɔmbun tabu kɛkɛban suunu sɔɔ yi dumi gawe.

will be added

X\