Womu Duro 3

1wɔ̃ku girira na kpĩ nɛn kpin yeru wɔllɔ. Na kasu wi nɛn gɔ̃ru ga kĩ. Adama na ǹ nùn wa. 2Ǹ n mɛn na, kon sewa n bɔsu wuu sɔɔ, gen swɛɛɔ ka gen yaburɔ na n kasu wi nɛn gɔ̃ru ga kĩ. Na nùn kasu kasu, adama na ǹ nùn wa. 3Ye wuu gen kɔ̃soba bɔsu ba wuu mɛɛrimɔ, ba man wa, ma na bu bikia na nɛɛ, i nɛn kĩnasi wa? 4Ye na bu deri kese, yera na nɛn kĩnasi wi wa. Na nùn sɛ̃re, na ǹ nùn yɔ̃su sere na ka nùn da nɛn mɛro wi u man maran dirɔ. 5Bɛɛ Yerusalɛmun wɔndiaba, na bɛɛ sɔ̃ɔmɔ ka yɛɛ kpiki ka nɛnnun yĩsinu, i ku nɛn kĩnasi yamia saa ye u ǹ kĩ u se. Kurɔ u nɛɛ, 6wara u saram wee gbaburun di mɛni nge wii tĩa. U turare ye ba mɔ̀ miru ka turare dɛkagia bwese bwesekan nuburu mɔ. 7Salomɔɔn kpin yera ba sɔɔwa ba ka wee, Isireliban tabu durɔ damgibu wata ba nùn swĩi ba wãa gɔn gɔnka. 8Be kpuro ba ka takobi sannɔ yɛ̃. Ba sãawa tabu durɔbu. Ben baawure u win takobi bɛki win yɛ̃saɔ u ka sɔɔru sãa baa yibɛrɛba bà n kurama wɔ̃kuru. 9Sina boko Salomɔɔ u dera ba nùn amakɛɛn kitaru kua ka dãa ye ba ka na Libanin di. 10Ma ba ten suatian dɛki kua ka sii geesu. Ba maa ten gballitia kua ka wura. Ba ten sin yerun leferi beku wunɔmgiru wukiri te Yerusalɛmun wɔndiaba ba buraru kua kĩrun sɔ̃. 11I yarima bɛɛ Siɔnin wɔndiaba, i sina boko Salomɔɔ wa. U win furɔ doke ge win mɛro nùn dokea saa ye u kurɔ kpaaru kua. Dɔma te, u wãa nuku dobu sɔɔ.

will be added

X\