Womu Duro 1

1Womu ge ga dobu bo wee. Salomɔɔwa ga ka yã. Kurɔ u nɛɛ, 2a man sɔ̃suo ka wunɛn tiin nɔɔ. Domi wunɛn kĩrun kookoosu su tam dobu kere. 3Wunɛn wani yi nuburu do. A sãawa nge turare ye ya pusa. Yen sɔ̃na wɔndiaba ba nun kĩ. 4A man tii gawema kpa su nun naa swĩi ka duka. A sãawa nɛn sunɔ, a ka man doo wunɛn wãa yerɔ. Wunɛn saabuwa sa nuku dobu mɔ. Wunɛn kĩru ta tam dobu kere. Ba gem mɔ be ba nun kĩ. 5Yerusalɛmun wɔndiaba, i swaa dakio i nɔ. Na tĩri, ma na sãa kurɔ burɔ. Na tĩri nge Kedaan kuu bekuruginu, na wãwa nge beku karenu ni nu wãa Salomɔɔn sina kpaarɔ. 6I ku man gɛm yèn sɔ̃ na tĩri. Sɔ̃ɔwa u man kua mɛ. Nɛn sesubu ba ka man mɔru kua. Ba man kua ben reseɛm dãa gbaarun kɔ̃so. Adama na ǹ nɛn tiigiru kɔ̃su. 7A man sɔ̃ɔwɔ nɛn kĩnasi mi a ra wunɛn sabenu kpare, ka mi a ra de nu sɔ̃ɔ sure. Kpa na kun maa sirenɛ wunɛn berusebun sabenun suunu sɔɔ. Yãa kparoba nɛɛ, 8wunɛ wi a tɔn kurɔbu kpuro buram kere, à kun yam mi yɛ̃, a doo a yãa gɔ̃ɔn yira swĩi. Kpa a wunɛn bonu kpara kparobun wãa yerun bɔkuɔ. Durɔ u nɛɛ, 9nɛn kĩnasi, a ka dum nia weenɛ ye ya Egibitin sunɔn tabu kɛkɛ gawamɔ. 10Wunɛn bura yãnu nu ra de wunɛn baanu nu man wɛ̃re. Wunɛn wĩira ka goonu wã. Yãa kparoba nɛɛ, 11sa ko nun saba kua ye ya wura ka sii geesu mɛnnɛ. Kurɔ u nɛɛ, 12sanam mɛ sina boko u sɔ̃ ka wigibu, nɛn turaren nubura pusa. 13Nɛn kĩnasi u nuburu dowa nge turare ye ba mɔ̀ miru, ye ya sure nɛn tororɔ. 14Nɛn kĩnasi u sãawa nge dãa wɛ̃ɛ burasu. Su ra kpiwa resɛm dãa gbaarɔ Engɛdiɔ. Durɔ u nɛɛ, 15nɛn kĩnasi, a sãawa kurɔ burɔ. Wunɛn nɔni yi ballimɔ nge waa bakagii. Kurɔ u nɛɛ, 16nɛn kĩnasi, a sãawa durɔ burɔ, wuna a man wɛ̃re. Bɛsɛn kpin yeru ta ko n nɔɔ nɛ nge yaka bekusu. 17Dãa ye ba mɔ̀ sɛduru, yera ba ka bɛsɛn dirun dãa mwaanatia kua. Ma ba ten yari kua ka dãa ye ba mɔ sipɛrɛ.

will be added

X\