Womusu 99

1Yinni Gusunɔ u bandu dii ma tɔmba diirimɔ. U sɔ̃ wɔllun kɔ̃sobun suunu sɔɔ ma tem mu yĩirimɔ. 2Yinni Gusunɔ u kpã Siɔniɔ. Wiya u bwesenu kpuro mɔ. 3I Yinni Gusunɔn yĩsiru wɔlle suo. Ta kpã, ta nanum mɔ. U dɛɛrewa. 4I Yinni Gusunɔn dam wɔlle suo. Domi u sãawa sina boko wi u ra gem kã. Yinni Gusunɔ, wuna a sun sɔ̃ɔsi nge mɛ sa ko ka bɛsɛn wãaru diisina. Wuna a Yakɔbun bweseru wooda wɛ̃ Isireliɔ. 5Yinni Gusunɔ u dɛɛre. I nùn wɔlle suo. I na i yiira win sina kitarun nuurɔ. 6Mɔwisi ka Aroni ba wãawa win yãku kowobu sɔɔ. Samuɛli u sãawa be ba ra nùn sokun turo. Be kpurowa ba nùn soka ma u bu wurari. 7U ka bu gari kua saa guru wii wurorun di. Ma ba win woodaba mɛm nɔɔwa ye u bu wɛ̃. 8Gusunɔ bɛsɛn Yinni, wuna a bu wisa. Ma a kua ben Yinni wi u ra bu toraru suuru kue. Adama a bu sɛɛyasia ben kɔ̃san sɔ̃. 9I Gusunɔ bɛsɛn Yinni siaro. I yiiro win guu dɛɛrarɔ i nùn bɛɛrɛ wɛ̃. Domi u sãawa Dɛɛro.

will be added

X\