Womusu 98

1I Yinni Gusunɔ wom kpɔɔ kuo, domi u sɔm maamaakiginu kua. Win dam saabu u nasara wa. 2Yinni Gusunɔ u tɔmbu win faaban gari tubusia. U sɔ̃ɔsi ma u sãa gemgii. 3U win durom ka win bɔrɔkiniru yaaya Isireliban sɔ̃. Handunian goonu nnɛ kpuro sɔɔ ba win faaba ye wa. 4Bɛɛ handuniagibu kpuro, i nɔɔgiru suo ka nuku dobu. I nuku dobun kuuki koowo i ka nùn siara i nùn tɔma ka womusu. 5I nùn womusu kuo ka mɔrɔkunu. I nùn tɔmɔ ka gɔ̃ɔgenu. 6I nùn womusu kuo ka kɔbi ka guunu. I taki koowo wi, sina bokon wuswaaɔ ka nuku dobu. 7Nim wɔ̃ku ka ye ya wãa ge sɔɔ, yu nɔɔgiru suo. Tem ka ye ya wãa mɛ sɔɔ, yu womu koowo. 8Daa bakanu nu taki koowo. Guunu nu nuku dobun kuuki koowo sannu sannu Yinni Gusunɔn wuswaaɔ. 9Domi u wee u handuniagibu siri. U koo bu siriwa gem sɔɔ.

will be added

X\