Womusu 97

1Yinni Gusunɔ u bandu dii. Tem mu nukuru doro. Be ba wãa n toma bu yɛ̃ɛrio. 2Guru wii wuroru ka yam wɔ̃kura ra n ka nùn sikerenɛwa. Gem wɔllɔwa u win sina gɔna tɛrie. 3Dɔ̃ɔwa u ra n nùn swaa gbiiye. Kpa u n win yibɛrɛba mwaamɔ. 4U ra de guru maakinu nu handunia yam bururasia. Tem mù n nu wa, mu ra diiriwa. 5Guunu nu ra yandewa nge gum win wuswaaɔ, wi, wi u sãa tem kpuron Yinni. 6Wɔllu ta win gem sɔ̃ɔsimɔ. Ma bwesenu kpuro nu win yiiko waamɔ. 7Be ba bwãarokunu sãamɔ, ba koo sekuru wa. Be ba bũnu siaramɔ, ba koo yɔ̃ra ka dukiri. Bũnu kpuro nu koo yiira win wuswaaɔ. 8Yinni Gusunɔ, Siɔnigibu ba ye nua ma ba nukuru dora. Yudaba ba nuku dobu mɔ̀ wunɛn siribun sɔ̃. 9Domi wuna a kpãaru bo handunia kpuro sɔɔ. Wuna a maa bũnu kpuro dam kere. 10Bɛɛ be i Yinni Gusunɔ kĩ, i kɔ̃sa tusio. U ra be ba nùn naanɛ sãa wɔre tɔn kɔ̃sobun nɔman di. 11Yam bururam mu wãawa gemgiin sɔ̃. Nuku dobu bu wãawa bèn gɔ̃ru ga dɛɛren sɔ̃. 12Bɛɛ gemgibu, i nuku dobu koowo Yinni Gusunɔn sɔ̃. Kpa i win yĩsi dɛɛra te wɔlle sua.

will be added

X\