Womusu 96

1I Yinni Gusunɔ wom kpɔɔ kuo. Bɛɛ handuniagibu, i nùn womu kuo. 2I Yinni Gusunɔ womu kuo. I nùn bɛɛrɛ wɛ̃ɛyɔ. I win faaban labaari kparo tɔ̃ɔ baatere. 3I bwesenu win yiikon faagi kuo. Kpa i win maamaakin gari gere. 4Domi wi, Yinni Gusunɔ u kpã. Wiya ba koo bɛɛrɛ wɛ̃. U bũnu kpuro dam kere. 5Domi nu sãawa kam dirum. Wiya u wɔllu taka kua. 6Yam bururam ka yiiko baka ya ra n nùn wãasi. Dam ka girima ya wãa win sãa yerɔ. 7Bwesenu kpuro, i na i Yinni Gusunɔ bɛɛrɛ wɛ̃. I na i win dam ka win yiikon gari kpara. 8I Yinni Gusunɔn yĩsiru bɛɛrɛ wɛ̃ɛyɔ. I duo win sãa yerɔ ka kɛ̃nu. 9I na i nùn kpuna ka bɛɛn sãa yãnu. Bɛɛ handuniagibu kpuro, i diirio. 10I bwesenu kpuro sɔ̃ɔwɔ i nɛɛ, Yinni Gusunɔ u bandu di. U tem swĩi mu dam mɔ, mu ǹ maa yĩirimɔ. U ra tɔmbu siriwa dee dee. 11Wɔllu tu nukuru doro. Tem mu yɛ̃ɛrio. Nim wɔ̃ku ka ye ya wãa ge sɔɔ kpuro yu kukirio. 12- 13Gberu kpaanɛ yu nukuru doro ka ye ya wãa ye sɔɔ kpuro. Dãnu nu taki koowo Yinni Gusunɔn wuswaaɔ, domi u wee. U wee u handunia siri, kpa u yen tɔmbu siria dee dee.

will be added

X\