Womusu 95

1I na su Yinni Gusunɔ womu kua. Su nùn nɔɔgiru sue ka nuku dobu wi, wi u sãa faaba kowo damgii nge kpee bakaru. 2I de su da win wuswaaɔ su nùn siara. Su nùn bɛɛrɛ wɛ̃ ka siarabun womusu ka nuku dobu. 3Domi u kpã. U sãa sina boko wi u ye ba sãamɔ kpuro kere. 4Win nɔma ya kpuro nɛni ye ya wãa tem sɔɔwɔ. Guunun wii kpiinu nu maa sãa wiginu. 5Nim wɔ̃ku ga sãawa wiguu. Wiya u gu kua. Win nɔma ya maa tem kua. 6I na su kpuna su tii kawa. Su yiira Yinni Gusunɔ bɛsɛn taka kowon wuswaaɔ. 7Domi u sãawa bɛsɛn Yinni. Sa maa sãa win tɔmbu be u kpare nge naa gɔ̃ɔ. I de i win nɔɔ nɔ gisɔ. 8I ku de bɛɛn gɔ̃rusu su bɔbia nge mɛ bɛɛn baababa ba kua Mɛribaɔ ka maa dɔma te ba wãa Masaɔ gbaburɔ, 9mi ba man wɛ̃ɛra, ba nɛn laakari mɛɛra baa mɛ ba nɛn sɔma waare. 10Wɔ̃ɔ weeruwa na bwese te bwɛ̃ra yara, ma na nɛɛ, tɔn ben gɔ̃rusu ka man tonda. Ba yina bu nɛn woodaba swĩi. 11Yen sɔ̃na na mɔru kua ma na bɔ̃rua na nɛɛ, ba ǹ sisi bu ka man wɛ̃ra mi na wɛ̃re.

will be added

X\