Womusu 92

1Womu ge ba kua tɔ̃ɔ wɛ̃rarugirun sɔ̃. Ge wee. 2Ya ra n do ba n nun tɔmamɔ Yinni Gusunɔ, kpa ba n wunɛn yĩsiru bɛɛrɛ wɛ̃ɛmɔ, wunɛ Wɔrukoo, 3ba n wunɛn durom gari kparamɔ bururu, kpa ba n wunɛn bɔrɔkinirun gari kparamɔ wɔ̃kuru 4ka mɔrɔku ka gɔ̃ɔgeru. 5Yinni Gusunɔ, ye a kua ya man nuku dobu wɛ̃. Ma na ye kpuro siaramɔ ka womusu. 6Yinni Gusunɔ, wunɛn sɔma ye a kua ya kpã. Wunɛn bwisikunu nu duku. 7Gari bɔkɔ ga ǹ kpɛ̃ gu nu tubu, mɛya nu ǹ maa kpɛ̃ nu nùn yeeri. 8Geema, tɔn kɔ̃sobu ba seemɔ nge yakasu, ma nuku kɔ̃surugibu ba kparamɔ nge dãa. Ka mɛ, sɔ̃ɔ teeru ba koo bu kpeerasia sere ka baadommaɔ. 9Adama wunɛ Yinni Gusunɔ, wuna a kpuro kere sere ka baadommaɔ. 10Wunɛn yibɛrɛba kpuro ba koo kam ko. Be ba kɔ̃sa mɔ̀ kpuro ba koo yarina. 11A man gbeeku kɛtɛn dam kã, ma a man domaru kua a man gum yarum tãre. 12Tɛ̃, na waamɔ nɛn yibɛrɛba ba wɔrukumɔ. Na nɔɔmɔ ba kuuki mɔ̀. 13Gemgibu ba koo kpɛ̃a nge kpakpa bãa. Ba koo se nge Libanin dãa ye ba mɔ̀ sɛduru. 14Ba ko n sãawa nge dãa te ba gira ta kparamɔ Gusunɔ bɛsɛn Yinnin sãa yerɔ. 15Baa tà n tɔkɔ kua, ta ko n binu marumɔwa, kpa ta n bɔrɔm mɔ ta n wurusu sɔɔwa. 16Yeya ya koo sɔ̃ɔsi ma Yinni Gusunɔ u sãawa gemgii. U maa sãawa nɛn kpee baa mi na ra kuke. Wi sɔɔ, durum gaa sari.

will be added

X\