Womusu 9

1Womu ge Dafidi u wom kowobun wirugii kua. Ba gu kuawa ka gɔ̃ru yãka. Ge wee. 2- 3Yinni Gusunɔ, kon nun siara ka nɛn gɔ̃ru kpuro. Kon wunɛn sɔm maamaakigian gari kpara. Kon womu ko ka nuku dobu. Yinni Wɔrukoo, kon nun tɔma. 4Nɛn yibɛrɛba ba nun wa, ba biruku yira wura. Nɛn yibɛrɛba ba nun wa, ba wɔruka ba gbisuka. 5Yinni Gusunɔ, wunɛ wi a sɔ̃ wunɛn sina gɔnaɔ, a ra siri dee dee. Wunɛ wi a sɔ̃ wunɛn sina gɔnaɔ, a man gem wɛ̃. 6Yinni Gusunɔ, a bwese ni nu ǹ nun yɛ̃ gerusi. A tɔn kɔ̃sobu kpeerasia. A ben yĩsa go sere ka baadommaɔ. 7Yinni Gusunɔ, a nɛn yibɛrɛban wusu kɔsuka. A ben tii kpeerasia mam mam. Ba ǹ maa bu yaayamɔ sere ka baadommaɔ. 8- 9Yinni Gusunɔ, a sɔ̃ wunɛn sina gɔnaɔ. Kaa n sãawa sunɔ sere ka baadommaɔ. Wuna a handunia kpare gem sɔɔ. Wuna a tɔmbu sirimɔ dee dee. 10Yinni Gusunɔ, a sãawa be ba dam dɔremɔn kɔ̃so. A sãawa be ba kpikiru suan kuku yeru. 11Yinni Gusunɔ, be ba wunɛn yĩsirun bɛɛrɛ yɛ̃, ba ra n nun naanɛ sãa. Be ba nun kasu, a ku ra bu biru kisi. 12Yinni Gusunɔ u win sina gɔna tɛria Siɔniɔ. I nùn siaro ka womusu. I win sɔman gari kparo. I de bwesenu kpuro nu yi nɔ. 13U ra be ba wuri mɔ̀ yaaye. U ra be ba nɔni sɔ̃ɔren kanaru nɔ. U ra be ba bu dam dɔremɔ sɛɛyasie. 14Yinni Gusunɔ, a man durom kuo. A mɛɛrio wahala ye na mɔ̀ be ba man tusan sɔ̃. A man wɔro gɔɔn nɔman di, 15kpa n kpĩ na n wãa Siɔnin tɔmbun suunu sɔɔ, na n takaru mɔ̀ ye a man kuan sɔ̃, na n nuku dobu mɔ̀ faaba ye a man kuan sɔ̃. 16- 17Wee bwese tukunu nu suura gba gabun sɔ̃, ma nin tii nu wɔri ye sɔɔ. Nu gabu yina bɛria, ma nin tiin naasu wɔri ye sɔɔ. Tɔn kɔ̃soba sɔm kɔ̃sunu kua. Ma ben tii ba nin are wa. Yinni Gusunɔ u sɔ̃ɔsi ma u ra siri dee dee. 18Wee ye u koo de n koora. Tɔn kɔ̃soba koo gbiwa. Be ba nùn yina ba koo kam ko. 19Adama u ku ra yãarobu duari. U ra de wɔnwɔndobu ba n yĩiyɔbu mɔ wi sɔɔ. 20Yinni Gusunɔ, a seewo. A ku de bu nɛɛ, tɔnuwa u ka nun kinɛnu mɔ̀. A ku de bwese tukunu nu nun atafiiru ko. A bu sɛɛyasio nge mɛ n weenɛ, 21kpa nu bɛrum soora, nu gia ma nu sãawa tɔn dirobu. Yinni Gusunɔ, a seewo.

will be added

X\