1 Womu geniwa Koren bibu ba kua. Ba nɛɛ, Yinni Gusunɔ u Yerusalɛmun kpɛɛkpɛɛku swĩiwa guu te win tii u gɔsa u dɛɛrasian wɔllɔ. 2 U Yerusalɛmu ye kĩ n kere wuu si su wãa Yakɔbun bweserun tem kpuro sɔɔ. 3 Yerusalɛmu, Gusunɔn wuu, ba wunɛn bɛɛrɛ bakan gari gerumɔ. 4 Nɛ, Yinni Gusunɔ, nà n bwesenun yĩsinu yorumɔ ni nu man yɛ̃, kon Egibitigibu ka Babilonigibu ka Filisitiba ka Tirigibu ka Etiopigibun yĩsinu yore. Domi ba bu marawa Yerusalɛmu mini. 5 Adama Yerusalɛmugibu ba koo nɛɛ, ben tema mi ka gem. Wɔrukoowa u mɛn kpɛɛkpɛɛku swĩi. 6 Yinni Gusunɔ u koo bwesenun yĩsinu yore kpa u nɛɛ, Yerusalɛmuɔra ba bu mara. 7 Be ba womusu mɔ̀ ba yaamɔ, ba koo nɔɔgiru sua ba n mɔ̀, Yinni, bɛsɛn nuuru kpuro ta woowa wunɛn mi.
