Womusu 82

1Womu ge Asafu u kua. Ge wee. Gusunɔ u wãa wɔllun tɔmbun suunu sɔɔ. Miya u wãa u ka sirimɔ. U nɛɛ, 2sere saa yerà i ko i n wãa i n sirimɔ ka weesu, i n yɔ̃ taarɛgibun biruɔ. 3I dam sarirugibu ka gobekuba ben gem wɛ̃ɛyɔ. I wɔnwɔndobu ka sãarobu ben gem wɛ̃ɛyɔ. 4I dam sarirugibu ka be ba dam dɔremɔ faaba koowo. I bu wɔro tɔn kɔ̃sobun nɔman di. 5Adama bɛɛ, i ǹ gãanu ganu yɛ̃. I ǹ maa bwisi gɛɛ mɔ. I kom kɔ̃sum mɔ̀wa, ma ya dera gem mu doona handunian di. 6Na raa nɛɛ, i sãawa wɔllun tɔmbu. I sãawa Wɔrukoon bibu. 7Adama i ko i gbiwa nge tɔn dirobu. I ko i gbiwa nge sinambu kpuro. 8Gusunɔ, a seewo a handunia siri. Domi wuna a bwesenu kpuro mɔ.

will be added

X\