Womusu 80

1Womu ge Asafu u wom kowobun wirugii kua ka mɔrɔku. Ge wee. 2Wunɛ Isireliban kparo, a swaa dakio a nɔ. Wunɛ wi a ra wunɛn tɔmbu kpare nge yãa gɔ̃ɔ, ma a sɔ̃ wɔllun kɔ̃sobun suunu sɔɔ, a tii sɔ̃ɔsio wunɛn yiiko sɔɔ. 3A bɛsɛ Efaraimu ka Bɛnyamɛɛ ka Manasen bwese kɛri wunɛn dam sɔ̃ɔsio, kpa a sun faaba ko. 4Yinni Gusunɔ, a sun wɔro. A ka sun nɔnu geu mɛɛrio, kpa a sun faaba ko. 5Gusunɔ wɔllu ka tem Yinni, sere saa yerà kaa n ka sun mɔru sãa a n bɛsɛn kanaru yinamɔ. 6Wee a dera nuku sankiranu nu kua bɛsɛn dĩanu, ma a dera bɛsɛn nɔni yĩresu kua bɛsɛn nim. 7A dera be ba ka sun sikerenɛ ba sannamɔ bɛsɛn sɔ̃. Ma bɛsɛn yibɛrɛba ba sun yɛ̃ɛmɔ. 8Gusunɔ wɔllu ka tem Yinni, a sun wɔro. A ka sun nɔnu geu mɛɛrio kpa su faaba wa. 9Wee a resɛm dãa wukama Egibitin di, ma a tɔmbu seeya ben wãa yenun di, ma a resɛm ye gira mi. 10A ye ayeru kua mam mam, ma ya seewa ya nuwi gira. Ya kpɛ̃a ya tem kpuro 11ka guunu wukiri, ma yen kãasi yi kpɛ̃a nge dãa ye ba mɔ̀ sɛduru. 12Yen kãasi yi, yi da sere nim wɔ̃kuɔ, ma yin nuwi yi da sere daa bakarɔ yi kpara. 13Yinni Gusunɔ, mban sɔ̃na a yen karan gambo kɔsuka, ma a dera be ba sarɔ mi, ba ye guramɔ. 14Ma a dera sakanu ka gbeeku yɛɛ yi yi tie, yi naamɔ yi ye dimɔ. 15Gusunɔ, wɔllu ka tem Yinni, a wurama. A mɛɛrio wɔllun di kpa a wunɛn resɛm ye nɔni doke. A ye kɔ̃suo. 16A resɛm dãa te nɔɔrio te, te ta sãa nge wunɛn bii wi a gɔsa. 17Wee ba resɛm bɔɔra ba dɔ̃ɔ mɛni. A bu mɔru kɔsieyo bu gbi. 18A de wunɛn dam mu n ka wi a gɔsa u sɔ̃ wunɛn nɔm geuɔ wãa. 19Saa yera sa ǹ maa ka nun tondamɔ. A de sa n wãa kpa sa n nun sãamɔ. 20Gusunɔ, wɔllu ka tem Yinni, a sun wɔro. A ka sun nɔnu geu mɛɛrio, kpa su faaba wa.

will be added

X\