1 Dafidin womu ge u wom kowobun wirugii kua. Ge wee. 2 Gusunɔ bɛsɛn Yinni, wunɛn yĩsira kpã handunia kpuro sɔɔ, na nun tɔmamɔ wunɛn kpãarun sɔ̃ te ta wɔllu gunum kere. 3 Baa bii piiminu ka bii wɛ̃ɛnu nu nun siaramɔ ka womusu. Nin womu si, su kua nge gbãraru. Ta wunɛn yibɛrɛba ganua, a ka be ba nun seesimɔ kamia, a ka be ba mɔru kɔsiamɔ kamia. 4 Na wɔllun kpãaru mɛɛra te a kua. Na suru ka kperi wa yi wãa yin ayenɔ. 5 Ma na bwisika na nɛɛ, mba tɔnu u sãa a n sere ka nùn yaaye, wara ra n tɔnu a n sere ka nùn nɔɔrimɔ. 6 Wee, a nùn taka kua u ka nun gɛrɛrɛm da. Wee, a nùn yiiko ka bɛɛrɛ wɛ̃ nge sunɔ. 7 Wee, a nùn kua wirugii taka koora kpuro sɔɔ. Wiya u kpaaku yɛɛ nɔma sikerenɛ. Wiya u gbeeku yɛɛ nɔma sikerenɛ. Wiya u gunɔsu nɔma sikerenɛ. Wiya u swɛ̃ɛ nɔma sikerenɛ, ka hunde koniba kpuro nim sɔɔ. 10 Gusunɔ bɛsɛn Yinni, wunɛn yĩsira kpã handunia kpuro sɔɔ.
