Womusu 76

1Womu ge Asafu u wom kowobun wirugii kua ka mɔrɔku. Ge wee. 2Ba Gusunɔ tuba Yudaɔ, ma u yĩsiru yara Isireliɔ. 3Win wãa yera wãawa Salɛmuɔ ye ba mɔ̀ Siɔni. 4Miya u tabu yãnu bɔɔka. Niya, sɛ̃ɛnu ka tɛrɛnu ka takobiba. 5Yinni Gusunɔ, a sãawa wi ba koo nasia. Wunɛn nanum mu kpã mu kere guu ni nu wãa saa yellun di. 6Ba tabu durɔ wɔrugɔban yãnu potira. Wee ba kpuna ba gu. Ba kpana bu ka tii yina be, be ba raa dam mɔ mi. 7Gusunɔ Yakɔbun Yinni, ye a gbãra, yera maasɔba wɔruka ka ben dumi. 8Gusunɔ, wuna ba koo nasia. Wunɛn mɔru yà n seewa wara u koo kpĩ u yɔ̃ra wunɛn wuswaaɔ. 9- 10Wunɛn siribu nɔɔra saa wɔllun di. Sanam mɛ a seewa a tɔmbu siri, ma a be ba tii kawe faaba kua, yera handunian tɔmbu kpuro ba bɛrum soora ma ba tii deri sɛ̃ɛ. 11Baa tɔnun mɔru yà n seewa, wunɛn yiikowa ya koo sɔ̃ɔsira. Be ba maa yara wunɛn mɔrun di, ba koo yen tɔ̃ɔ bakaru diwa. 12I Gusunɔ bɛɛn Yinni nɔɔ mwɛɛnu kuo kpa i nu yibia. Bɛɛ be i ka nùn sikerenɛ i nùn nasie, i ka nùn kɛ̃nu naawɔ. 13Wiya u ra sinam be ba tii sue kawe. Sinambu kpuro ba nùn nasie.

will be added

X\