Womusu 75

1Womu ge Asafu u wom kowobun wirugii kua ge ba mɔ̀, a ku kam koosia. Ge wee. 2Gusunɔ, sa nun siara. Wunɛn yĩsiru ta yiba bɛsɛn nɔɔwɔ. Sa wunɛn sɔm geerun gari kparamɔ. 3Wunɛ, Yinni Gusunɔ, a nɛɛ, saa ye a yi yà n tunuma, kaa tɔmbu siri gem sɔɔ. 4Tem mu koo kpĩ mu yĩiri ka ye ya wãa mɛ sɔɔ. Adama wuna a yen gbereba nɛni. 5A nɛɛ, be ba tii sue bu ku maa tii sua. A maa tɔn kɔ̃sobu sɔ̃ɔmɔ bu tii suabu derio. 6Bu ku tii wɔlle sua, kpa bu tɔn bia gari de. 7Domi wɔlle suabu kun wee saa sɔ̃ɔ yari yerun di, ǹ kun mɛ sɔ̃ɔ duu yerun di, bu ǹ maa wee sɔ̃ɔ yɛ̃san nɔm dwaru gian di. 8Wunɛ Gusunɔwa a ra tɔmbu siri. Wuna a ra gabu kawe kpa a gabu wɔlle sua. 9Yinni Gusunɔ, a nɔra nɛni ya tam yiba mu gbisimɔ, ma a mu handunian tɔn kɔ̃sobu wɛ̃ɛmɔ. Ba koo mu nɔwa mam mam sere ka mɛn kɔtɔrɔ. 10Adama nɛ, na ǹ nɔɔ marimɔ. Kon Gusunɔ Yakɔbun Yinni tɔmawa ka womusu. 11U koo tɔn kɔ̃sobun tii suabu kpeerasia, kpa u be ba nùn mɛm nɔɔwammɛ kuurasia.

will be added

X\