Womusu 67

1Womu ge Dafidi u wom kowobun wirugii kua ka mɔrɔku. Ge wee. 2Gusunɔ, a bɛsɛn wɔnwɔndu waawo, kpa a sun domaru kua. A de a ka sun nɔnu geu mɛɛri, 3kpa tɔmbu bu wunɛn swaa gia handunia sɔɔ, kpa ba n yɛ̃ ma wuna a ra tɔnu faaba ko. 4Gusunɔ, bwesenu kpuro nu nun siaramɔ ma nu nun tɔmamɔ. 5Nu wãa nuku dobu sɔɔ, domi a ra nu siriewa dee dee. Wuna a maa nu kpare tem mɛ sɔɔ. 6Bwesenu kpuro nu nun siaramɔ ma nu nun tɔmamɔ. 7Domi a ra de tem mu dĩanu ma. Gusunɔ, wuna a sãa bɛsɛn Yinni. A ra sun domaru kue. 8A sun domaru kuo. Handuniagibu kpuro ba nun nasie.

will be added

X\