Womusu 63

1Dafidin womu. U gu kuawa sanam mɛ u wãa Yudan gbaburɔ. Ge wee. 2Gusunɔ, a sãawa nɛn Yinni. Wuna na soku. Na wunɛn bɛkɛ barɔ. Ma nɛn wasi kpuro bɛsikiramɔ wunɛn sarirun sɔ̃ nge mɛ tem gbebum mu ra n bɛsikiramɔ nim sarirun sɔ̃. 3Wee na wãa wunɛn sãa yerɔ na nun mɛɛra, kpa n ka wunɛn dam ka wunɛn yiiko wa. 4Domi wunɛn tɔn geeru ta gisɔn wãaru kere. Yen sɔ̃na kon nun tɔma ka womusu. 5Kon nun siara nɛn wãaru kpuro sɔɔ, kpa n nɔma sua wɔllɔ n ka nun sã. 6Nɛn hunde koo debu nge wi u dĩa duronu ka yaa gumgia di. Kon nun siara ka nuku dobun kuuki. 7Nà n kpĩ, na ra n nun yaayewa na n wunɛn bwisikunu mɔ̀ wɔ̃kuru. 8Domi a sãawa nɛn somiɔ. Nà n kukua wunɛn kasenun kɔkɔrɔ, na ra n nuku dobu mɔ. 9Na ka nun maninɛwa dim dim, ma wunɛn nɔm geu ga man nɛni. 10Be ba kasu bu man go ba koo dawa sere tem sɔɔ sɔɔwɔ. 11Takobiwa ba koo ka bu go, kpa purukanu nu ben gonu tem. 12Nɛ, sina boko kon yɛ̃ɛri wunɛ sɔɔ. Wi u ka nun bɔ̃rua u koo tii siara, adama kaa wee kowobun nɔsu kɔre.

will be added

X\