Womusu 60

1Womu ge Dafidi u wom kowobun wirugii kua ka mɔrɔku. U gu kuawa u ka keu sɔ̃ɔsi. 2Womu ge, Dafidin taba ga ka yã bi u ka Sirigii be ba wãa Mɛsopotamiɔ ka Sobaɔ kua. Ye Dafidi u taa bi wee, win tabu sunɔ Yoabu u Edɔmun tabu kowobu gowa nɔrɔbun suba wɔkura yiru (12.000) wɔwa gaa sɔɔ ye ba mɔ̀ Bɔru. Womu ge wee. 3Gusunɔ, wee a sun yina ma a sun yarinasia. Baa mɛ a mɔru sãa, a sun seeyo. 4A dera tem mu yĩira ma mu bɛsikira. A mu kpaasinɔ domi mu kankiramɔ. 5A dera wunɛn tɔmba nɔni sɔ̃ɔra, ma ba tam nɔra mu ben wiru gɔsia. 6Be ba nun nasie, bera a wunɛn gidi bɔra wɛ̃, kpa yu sɔ̃ɔsira gem sɔ̃. 7A sun wɔro ka wunɛn dam. A bɛsɛn kanaru nɔɔwɔ, kpa su faaba wa bɛsɛ wunɛn kĩnasibu. 8Gusunɔ u gerua win sãa yee dɛɛrarɔ u nɛɛ, u koo nasara wa. U koo Sikɛmu bɔnu ko kpa u tɔmbu Sukɔtun wɔwa yabua. 9Wiya u Galadi mɔ. Wiya u maa Manase mɔ. Efaraimu ya sãawa nge win sii furɔ kɔkɔru. Ma Yuda ya sãa nge win sina dɛka. 10Adama Mɔabu ya sãawa win woburutia. U koo Edɔmu bara nɔɔ teu kɔ̃ɔwa u ka sɔ̃ɔsi ma ya kua wigia. Filisitiba ba koo nùn nasaran kuuki koosi ka nuku dobu. 11Wara u koo ka man da wuu gbãraruguu gen mi. Wara u koo man kpara u ka da Edɔmuɔ. 12Yinni Gusunɔ, wuna kaa ka man da, wunɛ wi a raa sun yina, ma a ku ra maa ka bɛsɛn tabu kowobu yari. 13A sun somiɔ su ka yari nɔni swãarun di. Tɔnun somiru ta sãawa wom dirum. 14À n wãa ka bɛsɛ, sa ko kpĩ su tabu ko ka wɔrugɔru. Kpa a bɛsɛn yibɛrɛba kɔsuku.

will be added

X\