Womusu 57

1Womu ge Dafidi u wom kowobun wirugii kua. U womu geni kuawa sanam mɛ Sɔɔlu u nùn naa gire u go. Ma u da u kukua kpee baa sɔɔ. Ge wee. 2Gusunɔ, a nɛn wɔnwɔndu waawo. Wunɛn miya na kuku yeru kasu. Wunɛn kasan saara ta koo man bere sere nɛn nɔni swãaru kpuro tu ka kpe. 3Yinni Wɔrukoo, wuna na nɔɔgiru sue, domi wuna a ra man nɔɔri. 4Saa wɔllun diya kaa man somima. Kaa nɛn yibɛrɛba burisina. A man wunɛn bɔrɔkiniru ka wunɛn tɔn geeru sɔ̃ɔsima. 5Wee na wãa tɔn kɔ̃sobun suunu sɔɔ be ba sãa nge gbee sinan si su ra tɔmbu tem. Ben donna nu sãa ben yaasi ka ben sɛ̃ɛnu. Ma ben yara sãa nge takobi ye ya nɔɔ do. 6Gusunɔ, wɔllu ta ǹ kpɛ̃ tu nun mwa wunɛn kpãarun sɔ̃. A wunɛn yiiko sɔ̃ɔsio tem kpuro sɔɔ. 7Nɛn yibɛrɛ be, ba man yɛ̃ri bɛria nɛn swɛɛ kpuro sɔɔ, ma na tem tuke na wa ba wɔru gba nɛn wuswaaɔ. Adama bera ba gu wɔri. 8Gusunɔ, nɛn torora sɔ̃. Kon nun womu kua kpa n nɛn baranu so. 9A yando nɛn bwɛ̃ra. Mana nɛn gɔ̃ɔgera wãa. Mana nɛn mɔrɔku ga wãa n ka sɔ̃ɔ bɔɔsia. 10Yinni Gusunɔ, kon nun siara tɔmbun suunu sɔɔ, kpa n maa nun tɔma ka womusu. 11Domi wunɛn tɔn geera wãawa sere ka wɔllɔ. Mɛya maa wunɛn bɔrɔkiniru ta sɔ̃ɔsiramɔ sere ka guru winɔ. 12Gusunɔ, wɔllu ta ǹ kpɛ̃ tu wunɛn kpãaru mwa. A wunɛn yiiko sɔ̃ɔsio handunia kpuro sɔɔ.

will be added

X\