Womusu 54

1Dafidin womu ge u wom kowobun wirugii kua ka mɔrɔku 2sanam mɛ Sifugibu ba na Sɔɔlun mi bu ka nùn sɔ̃ ma Dafidi u kukua ben temɔ. Ge wee. 3Gusunɔ, a man faaba koowo wunɛn yĩsirun sɔ̃. A de a man siria ka wunɛn dam bakam. 4Yinni Gusunɔ, a swaa tem kpĩiyɔ kpa a nɛn kanaru nɔ. 5Domi tɔn tukobu ba man seesi. Tɔn kɔ̃sobu ba kasu bu man go. Ben bwisikunu sɔɔ, ba nɛɛ, wunɛ Gusunɔ a sari. 6Adama nɛn mi, wuna a sãa nɛn faaba kowo. Be ba ka man yɔ̃, bera a maa ka yɔ̃. 7A nɛn yibɛrɛba kɔ̃sa kɔsio. A man bɔrɔkiniru sɔ̃ɔsio, a bu go. 8Kon nun yãkunu kua ka nuku tia. Kon womu ko ka wunɛn yĩsiru n nun tɔma, domi a sãa tɔn geo. 9Wuna a ra man nuku sankiraru wunari, kpa na n nuku dobu mɔ nà n nɛn yibɛrɛba wa.

will be added

X\