Womusu 52

1Dafidin womu ge u wom kowobun wirugii kua. 2U gu kuawa sanam mɛ Dɔɛgu Edɔmu u na Sɔɔlun mi u ka nùn sɔ̃ ma Dafidi u da Akimɛlɛkin mi. Womu ge wee. 3Tabu durɔ, mban sɔ̃na a tii siaramɔ kɔ̃sa ye a mɔ̀n sɔ̃. A n yɛ̃ ma Gusunɔn durom mu ko n wãa sere ka baadommaɔ. 4Kɔ̃sa tɔnawa wunɛn yara ya ra n gerumɔ. Ya sãawa nge wobu te ta nɔɔ do, murafiti wunɛ, 5a ra kɔ̃sa kã n kere gea, kpa a n weesu kĩ n kere gem. 6Gari kɔ̃siya yi ra n yiba wunɛn nɔɔwɔ kpa a n wãa keetan swɛɛ sɔɔ. 7Yen sɔ̃, a n yɛ̃ ma Gusunɔ u koo nun sura sere ka baadommaɔ. U koo nun gawa u yara saa wunɛn kuu bekurugirun di, kpa u nun wuna wasobun suunu sɔɔn di. 8Be ba Gusunɔ naanɛ sãa, ba koo nun wa, kpa biti bu mwa bu nun yɛ̃ɛ bu nɛɛ, 9durɔ winiwa u yina Gusunɔ u nùn kɔ̃su, ma u win naanɛ doke win dukia sɔɔ, u tii kɔ̃su win bwisi sɔɔ. 10Nɛ, na wãawa Yinni Gusunɔn sãa yerɔ nge olifin dãa beku te ta kpare, ta wɛ̃su sãa. Na win durom naanɛ sãa sere ka baadommaɔ. 11Na kon nùn siarawa sere ka baadommaɔ, domi u kua. Wi sɔɔra kon nɛn yĩiyɔbu doke be ba nùn naanɛ sãan suunu sɔɔ yèn sɔ̃ u sãa tɔn geo.

will be added

X\