Womusu 47

1Womu ge Koren bibu ba wom kowobun wirugii kua. Ge wee. 2Bɛɛ handunian bwesenu, i taki koowo, kpa i kuuki ko ka nuku dobu Yinni Gusunɔn mi. 3Domi u sãawa Yinni Wɔrukoo wi u nanum mɔ. U sãawa sina boko tem kpuro sɔɔ, 4wi u ra de su bwesenu ganu tɛɛsi, kpa sa n nu taare. 5Wiya u sun bɛsɛn tem gɔsia, ma sa yen woo kanamɔ, bɛsɛ Yakɔbun bweseru te wi, Yinni u kĩ. 6Gusunɔ u yɔɔmɔ Siɔniɔ, ma ba nasaran taki mɔ̀. U gbia u dɔɔ, ma ba kɔba soomɔ. 7I Gusunɔ womu kuo, i Gusunɔ womu kuo. I Yinni, sina boko siaro ka womu. 8Domi wiya u sãa handunia kpuron sunɔ. I nùn womu kuo. 9Wiya u bandu dii bwesenu kpuro sɔɔ, ma u sɔ̃ win sina gɔni dɛɛra sɔɔ. 10Bwese tukunun sina biba mɛnnamɔ ka Gusunɔ Aburahamun Yinnin tɔmbu. Domi wiya u ka be ba tem kɔ̃su wãa. Wiya u kpuro kere.

will be added

X\