Womusu 43

1A man gem wɛ̃ɛyɔ Gusunɔ nɛn Yinni. A ka man yinɔ be ba ǹ nun nasien wuswaaɔ. A man yakio wee kowobu ka tɔn kɔ̃sobun min di. 2Gusunɔ, wunɛ wi a man kɔ̃su, mban sɔ̃na a man yinamɔ. Mban sɔ̃na kaa de nɛn yibɛrɛba ba n man dam dɔremɔ kpa na n nuki sankire. 3A de wunɛn yam bururam ka wunɛn bɔrɔkinira n man kpare. A ka man doo sere wunɛn guu dɛɛra ten mi, mi a wãa, 4kpa n da wunɛn yãku yerɔ. Gusunɔ, wunɛ wì sɔɔ na nuku dobu mɔ, kon nun siara ka womusu, ka mɔrɔku. Gusunɔ, wuna a sãa nɛn Yinni. 5Mban sɔ̃na na kon nuki sankire, kpa na n weeweenu mɔ̀ nɛn gɔ̃ruɔ. Na kon nɛn naanɛ dokewa wunɛ sɔɔ, kpa n wure n nun siara. A sãawa nɛn Yinni ka nɛn Faaba kowo.

will be added

X\