Womusu 41

1Womu ge Dafidi u wom kowobun wirugii kua. U nɛɛ, 2doo nɔɔrugiiwa wi u ra sãaron bwisikunu ko. Ù n wãa wahala sɔɔ, Yinni Gusunɔ u koo nùn yara. 3Yinni Gusunɔ u koo nùn kɔ̃su, kpa u n win wãaru nɛni. Mɛya u ko n nuku dobu mɔ win wãaru sɔɔ. U ǹ maa derimɔ u wɔri win yibɛrɛban nɔmaɔ. 4Yinni Gusunɔwa u koo nùn kɔ̃su kpa u nùn nɔɔri sanam mɛ u barɔ u kpĩ. 5Wee, na gerumɔ na mɔ̀, Yinni Gusunɔ, a nɛn wɔnwɔndu waawo, a nɛn hunde bɛkio. Domi na nun torari. 6Nuku kɔ̃surun sɔ̃, nɛn yibɛrɛba ba mɔ̀, saa yerà kon gbi. Kpa bu wa bu nɛn yĩsiru duari. 7Goo ù n na nɛn mi, weesa yɛ̃ro u ra man kue, kpa u nɛn gari gura u ka da u nɛn kɔ̃sa gere tɔɔwɔ. 8Nɛn yibɛrɛba kpuro ba gunnu gunnu gari mɔ̀. Ba man kɔ̃sa bwisikusimɔ. 9Domi ba mɔ̀, wahala ye, ya man nɛni gem ka tia. Nɛ wee na kpĩ, n ǹ koorɔ n maa se. 10Nɛn bɔrɔ kĩnasi, ka wì sa wãa sannu bɔri yɛndu sɔɔ, na maa nùn naanɛ sãa, ma sa dimɔ sannu, wiya u kua nɛn yibɛrɛ. 11Yen sɔ̃, Yinni Gusunɔ, a nɛn wɔnwɔndu waawo, a man wɔro, kpa n bu kua ye n weenɛ n bu kua. 12Nɛn yibɛrɛ ù kun man kamiɛ, saa ye sɔɔra kon gia ma a man kĩ. 13A man kɔ̃su nɛn mɛm nɔɔbun sɔ̃. Ma a dera na wãa wunɛn mi sere ka baadommaɔ. 14Na Gusunɔ Isireliban Yinni siara. U ko n wãawa sere ka baadommaɔ. Ami.

will be added

X\