Womusu 4

1Dafidin womu ge u wom kowobun wirugii kua ka mɔrɔku. Ge wee. 2Gusunɔ, nà n wãa nɔni swãaru sɔɔ, wuna a ra man somi. Nà n nun soka, a man wurario. A nɛn wɔnwɔndu waawo, a nɛn kanaru nɔɔwɔ, wunɛ wi a ra man sirie. 3Bɛɛ tɔmbu, sere saa yerà i ko i n man wɔmmɔ. Bɛɛ tɔmbu, sere saa yerà i ko i n kam gire. Bɛɛ tɔmbu, sere saa yerà i ko i n weesu swĩi. 4I n yɛ̃ ma Gusunɔ u ra tii naanɛgii gɔsie. I n yɛ̃ ma Gusunɔ u ra nɛn nɔɔ nɔ. 5I bwisikuo gɔ̃ruɔ bɛɛn kpin yenɔ kpa i mari. I diirio bɛrum sɔ̃ kpa i durum deri. 6I Yinni Gusunɔ naanɛ dokeo. I yãkunu koowo ni u bikiamɔ. 7Tɔn dabira weeweenu mɔ̀ ta mɔ̀, Gusunɔ, a ka sun bɔri yɛndu naawɔ. Yinni, a ka sun nɔnu geu mɛɛrio. 8Adama nɛ, na ra n nuku dobu mɔ n kere be ba dĩanu yiba. Na ra n yɛ̃ɛrimɔ n kere be ba tam yiba. 9Nà n kpuna na ra dweeye ka bɔri yɛndu, domi wunɛ turowa a man kɔ̃su, Yinni Gusunɔ.

will be added

X\