Womusu 3

1Dafidin womu geni ga ka kpikiru yã te u sua win bii Abusalɔmun sɔ̃. Ge wee. 2Yinni Gusunɔ, nɛn yibɛrɛba ba dabi. Be ba man seesi ba dabi. 3Geema dabira ta gerumɔ, na ǹ somiru wasi wunɛn min di. 4Adama nɛ, na nɛɛ, wuna a ra man ganɛ nge tɛrɛru, wuna a ra man nasara wɛ̃, wuna a ra man sekuru yare. 5Nà n nun nɔɔgiru sue na somiru kana, a ra nɛn nɔɔ nɔ wunɛn guurun di mi a wãa. 6Nà n kpuna na dweeya wɔ̃ku giriru, wuna a ra n man kɔ̃su. Nà n yanda na ra deemɛwa wuna a man kɔ̃su. 7Yibɛrɛ dabinu nu man kooro bure, yibɛrɛ dabinu nu man sikerena, adama na ǹ ben bɛrum mɔ. 8Gusunɔ nɛn Yinni, a seewo a man faaba ko. A seewo a nɛn yibɛrɛba wiru kɔsuku. A seewo a ben nɔsu kɔsuku. 9Wuna a ra tɔnu faaba ko. A de wunɛn domaru ta n ka wunɛn tɔmbu wãa.

will be added

X\