Womusu 29

1Dafidin womu. Bɛɛ be i wãa wɔllɔ, i Yinni Gusunɔ siaro win yiiko ka win dam sɔ̃. 2I win yĩsiru wɔlle suo, kpa i yiira win wuswaaɔ win dɛɛrarun sɔ̃. 3Yinni Gusunɔ yiiko kpurogii u dera gura ya gbãramɔ. Win nɔɔ ga nɔɔra guru winu sɔɔ. U dam mɔ nim bakam wɔllɔ. 4Win nɔɔ ga nɔɔra ka dam ka yiiko. 5Win nɔɔ ge, ga Libanin dãa damginu bɛsukumɔ. 6U dera Libanin guunu nu yɔ̃ɔkumɔ nge kɛtɛ kpɛmminu. Ma guu te ba mɔ̀ Hɛɛmɔɔ ta suara dika nge kɛtɛ gbeeku kpɛmbu. 7Win nɔɔ ga dera guru maakinu kooramɔ. 8Win nɔɔ ga nɔɔra, ma ye ya wãa Kadɛsin gbaburɔ kpuro ya diira. 9U gbãra sere nɛm guraginu nu nanda nu mara. Ma dãnu kpuron wurusu dɛlla sɔ̃ɔwɔ. Yera win sina kpaarun di ba mɔ̀, yiikogiiwa Yinni Gusunɔ. 10Wiya u dam mɔ nim wɔllɔ. Wiya u ko n sãa sunɔ sere ka baadommaɔ. 11Wiya u koo maa tɔmbu dam kɛ̃. Wiya u koo bu domaru kua u bu bɔri yɛndu wɛ̃.

will be added

X\