Womusu 24

1Dafidin womu. Yinni Gusunɔ, wuna a tem mɔ ka ye ya wãa mɛ sɔɔ. Wuna a handunia mɔ ka yen hunde koniba kpuro. 2Wuna a tem kpɛɛkpɛɛku swĩi nim wɔ̃ku sɔɔ. Wuna a mu bɔnu kua ka daanu. 3Wara u koo kpĩ u yɔ wunɛn guurɔ mi wunɛn wãa yee dɛɛrara wãa. 4Wi u koo yɔ mi, wiya wìn gɔ̃ru ga dɛɛre. Wiya wìn nɔma ya sãre. Wiya wi u ku ra weesu swĩi. Wiya wi u ku ra bɔ̃re u ka tɔnu nɔni wɔ̃ke. 5- 6Wiya wi u wunɛ Gusunɔ, Yakɔbun Yinni soku. Wi u sãa nge mɛ, wiya kaa domaru kua. Wiya kaa faaba ko. Wiya kaa gem wɛ̃. 7Bɛɛ wuun kɔ̃sobu, i kɔnnɔ gunum sosio. I Yinni Gusunɔn sãa yerun kɔnnɔ kɛniɔ. I de sina boko bɛɛrɛgii u du. 8Wara u sãa sina boko wi. Yinni Gusunɔwa. U dam mɔ, u yiiko mɔ, u sãawa tabu durɔ damgii. 9Bɛɛ wuun kɔ̃sobu, i kɔnnɔ gunum sosio. I Yinni Gusunɔn sãa yerun kɔnnɔ kɛniɔ. I de sina boko bɛɛrɛgii u du. 10Wara u sãa sina boko wi. Gusunɔ, wɔllu ka tem Yinniwa. Wiya sina boko bɛɛrɛgii.

will be added

X\