1 Dafidin womu. Yinni Gusunɔ, wuna na naanɛ sãa. Wunɛn miya kon kuku yeru wa. A man kɔ̃suo. 2 Wuna na sɔ̃ɔmɔ ma a sãa nɛn Yinni. Wunɛ turowa a ra man gãa geenu wɛ̃. 3 Be ba nun mɛm nɔɔwammɛ tem mɛ sɔɔ, bera ba bɛɛrɛ mɔ. Be sɔɔra nɛn kĩru kpuro wãa. 4 Adama be ba bũnu sãamɔ, ba tii nuku sankiranu sosiammɛwa. Na ǹ ka bu bũu yãkunu mɔ̀. Na ǹ bũu nin yĩsiru sokumɔ. 5 Yinni Gusunɔ, wuna a ra man wɛ̃ yèn bukata na mɔ. Wuna a maa yɛ̃ ye n koo man deema. 6 Wuna kaa man tubi gea wɛ̃. Ka gem na nuku dobu mɔ. 7 Yinni Gusunɔ, wuna na siaramɔ yèn sɔ̃ a ra man bwisi kɛ̃. Wuna na siaramɔ yèn sɔ̃ a ra man kirɔ ko baa ka wɔ̃kurɔ. 8 Wuna na ra n mɛɛra baadomma. Wuna a ra n wãa ka nɛ. Wuna a ra n man kɔ̃su. Gãanu kun kpɛ̃ nu man sura. 9 Nɛn nukura do. Nɛn bwɛ̃ra yɛmia. Nɛn wasi koo wɛ̃ra bɔri yɛndu sɔɔ. 10 Domi ko na n ka nun wãa. A ǹ nɛn hunde derimɔ gɔribun wãa yerɔ. A ǹ wuramɔ wunɛn kĩnasin wasi yi kɔ̃si. 11 Adama kaa man wãarun swaa sɔ̃ɔsi. Wunɛn miya kon yɛ̃ɛri. Wunɛn miya kon nuku dobu ko bi bu ǹ kpeemɔ.
