Womusu 15

1Dafidin womu. Yinni Gusunɔ, wara koo du wunɛn sãa yerɔ. Wara ko n wãa guu te a gɔsan mi. 2Wiya wi u sĩimɔ dee dee, u gea mɔ̀, u gem gerumɔ win gɔ̃ruɔ, 3u ku ra goo kɔ̃sa mani, u ku ra win tɔnusi tore, u ku ra win beruse wĩ, 4u ra be ba Gusunɔ nasie bɛɛrɛ wɛ̃, u ra wi Gusunɔ u yina kam mɛɛri, u ra win nɔɔ mwɛɛru yibie baa ǹ n mɛren na n nùn sãa, 5u ku ra tɔmbu gobi nim dokeye, u ku ra kɛ̃ru mwɛ u ka seeda weesugia di. Wi u sĩimɔ nge mɛ, u ǹ sokuramɔ pai.

will be added

X\