Womusu 149

1I Yinni Gusunɔ siaro. I Yinni Gusunɔ wom kpɔɔ kuo. I nùn tɔmɔ tɔmbun suunu sɔɔ be ba nùn naanɛ sãa. 2Isireli, a yɛ̃ɛrio wi u nun taka kua sɔɔ. Siɔnigibu, i yɛ̃ɛrio bɛɛn sina bokon sɔ̃. 3I nùn siaro ka yaabu. I nùn siaro ka baranu ka mɔrɔkunu. 4Yinni Gusunɔ u win tɔmbu kĩ. U ra wɔnwɔndobu bɛɛrɛ wɛ̃ u bu faaba ko. 5Be ba Yinni Gusunɔ naanɛ sãa, bu nasara suo ka bɛɛrɛ baka. Bu nuku dobun kuuki koowo ben kpin yenu wɔllɔ. 6Ba n da Gusunɔ siare ka baadomma kpa takobi ye ba dɛ̃ɛra biru ka wuswaa ya n wãa ben nɔmaɔ 7bu ka bwese tukunu mɔru kɔsie, kpa bu nu sɛɛyasia. 8Kpa bu nin sinambu bɔke ka yɔni, kpa bu maa nin wirugibu bɔke ka sisu, 9kpa bu nu siri nge mɛ ba yorua. Ya ko n sãawa bɛɛrɛ baka win tɔmbun mi be ba nùn naanɛ sãa. I Yinni Gusunɔ siaro.

will be added

X\