Womusu 143

1Womu ge Dafidi u kua. Ge wee. Yinni Gusunɔ, a nɛn kanaru nɔɔwɔ. Kpa a nɛn bikiabu swaa daki. A man wisio wunɛn bɔrɔkiniru ka wunɛn gem sɔɔ. 2A ku nɛ, wunɛn sɔm kowo siri, domi goo sari wi u koo gem wa wunɛn mi. 3Nɛn yibɛrɛ u man naa swĩi. U nɛn wãaru tem taare. U dera na wãa yam wɔ̃kurɔ nge be ba gu n tɛ. 4Yen sɔ̃na nɛn hunde ya dam dwiiya, ma na nuki sankire too. 5Na gasɔn wãaru yaaye. Na wunɛn sɔma kpuro lasabu mɔ̀, ma na wunɛn nɔman sɔmburu bwisikumɔ. 6Wuna na nɔma tĩi. Nɛn gɔ̃ru ga wunɛn bɛkɛ barɔ nge mɛ tem gbeba ra n nim kĩ. 7Yinni Gusunɔ, na mwia kpana. A man wisio kpaaka. A ku man biru kisi kpa n ku ko nge be ba wãa gɔriɔ. 8A man wunɛn tɔn geeru sɔ̃ɔsio bururu ka yoka, wuna na naanɛ sãa. A man swaa sɔ̃ɔsio ye kon swĩi, wuna na nɛn hunde nɔmu sɔndia. 9Yinni Gusunɔ, a man wɔro saa nɛn yibɛrɛban nɔman di, wunɛn miya na kuku yeru kasu. 10Wuna sãa nɛn Yinni. A man sɔ̃ɔsio mɛ ko na n da wunɛn kĩru ko. A de wunɛn Hunde geo wi, u man kpara swaa ye ya nɔɔ nɛ sɔɔ. 11Yinni Gusunɔ, a man wɔro nge mɛ a nɔɔ mwɛɛru kua. A nɛn hunde wunɔ wahalan di wunɛn gem sɔ̃. 12A nɛn yibɛrɛba kam koosio, kpa a nɛn wɛrɔbu kpuro kpeerasia yèn sɔ̃ a man kĩ. Na sãawa wunɛn sɔm kowo.

will be added

X\