Womusu 142

1Dafidin womu ge u kua sanam mɛ u kanaru kua kpee wɔru sɔɔ. Ge wee. 2Na Yinni Gusunɔ nɔɔgiru sue na nùn suuru kanamɔ. 3Na nùn nɛn nuku sankiranu sɔ̃ɔmɔ. Na nùn nɛn wahala saariammɛ. 4Nà n mwia kpana, wuna ra n yɛ̃ ye kon ko. Ba man yina bɛria swaa yè sɔɔ na sĩimɔ. 5A mɛɛrio nɔm geuɔ a wa ma goo sari wi u ka man yɔ̃. Na ǹ kuku yeru mɔ. Goo sari wi u maa nɛn bwisikunu mɔ̀. 6Yinni Gusunɔ, wuna na sokumɔ. Na nɛɛ, wuna a sãa nɛn kuku yeru. Wunɛ turowa a sãa nɛgii dunia ye sɔɔ. 7A nɛn wuri swaa dakio, domi na nuki sankire too. A man yakio be ba man nɔni sɔ̃ɔmɔn nɔman di, domi ba man dam kere. 8A man yaro dɛsirun di, kpa n nun takaru ko. À n man durom kua, geegiba koo na bu man sikerena.

will be added

X\