Womusu 141

1Womu ge Dafidi u kua. Ge wee. Yinni Gusunɔ, na nun soku, a na fuuku nɛn mi. A nɛn nɔɔ swaa dakio nà n nun sokumɔ. 2A de nɛn kanaru tu nun girari nge turare nubu durorugian wiisu. Kpa nɔma ye na yiiye ya n sãa nge kɛ̃ru te ba ra ka nun naawɛ wunɛn sãa yerɔ yoka. 3Yinni Gusunɔ, a nɛn nɔɔ bɔkuo. A nɛn nɔɔ sarusu kɔ̃suo. 4A ku de nɛn gɔ̃ru gu da kɔ̃sa gia. A ku de n kom kɔ̃sum ko ka be ba gem sariru swĩi. A ku de n ka bu tɔ̃ɔ baka dim di. 5Gemgii ù n man so, kĩra u man sɔ̃ɔsi. Ù n man gerusi, u man gum tãrewa nɛn wirɔ. Na ǹ ye yinamɔ. Adama na ǹ nɛn kanaru marimɔ tɔn kɔ̃sobun sɔ̃. 6Gusunɔ, a ben siri kowobu sureo kpenu sɔɔ, kpa bu nɛn gari swaa daki, domi yi sãawa gari dori. 7Nge mɛ bà n kɔrɔ mɔ̀ tem mu ra nɔɔ baare, nge mɛya gɔribun wãa yera koo nɔɔ baara tu ben kukunu mwɛ ni nu yarinɛ. 8Yinni Gusunɔ, wuna na mɛɛra. Wunɛn miya na kukua. A ku nɛn wãaru doke kari sɔɔ. 9A man gbaro tɔn kɔ̃sobun yina ye ba man bɛrien di. A man gbaro ben taa ye ba man bɛrien di. 10A de tɔn kɔ̃so be, bu wɔri ben yina sɔɔ, kpa nɛ, n kisira min di.

will be added

X\