Womusu 14

1Dafidin womu ge u wom kowobun wirugii kua. Ge wee. Wee nge mɛ gari bakasu su sãa. Su ra nɛɛ, Gusunɔ sari. Su sankire. Su kom kɔ̃sum mɔ̀. Sin gagu sari ge ga gea mɔ̀. 2Yinni Gusunɔ u tɔmbu mɛɛrima saa wɔllun di, u ka wa goo ù n wãa u bwisi mɔ, u ka wa goo ù n wãa u nùn sãamɔ. 3Adama u wa, be kpurowa ba kɔ̃ɔre, be kpurowa ba sankire, be kpurowa ba kɔ̃sa mɔ̀. Baa ben turo kun gea mɔ̀. 4Ye u wa mɛ, yera u tii bikia u nɛɛ, kɔ̃san kowo be, ba ǹ yɛ̃ru mɔ? Wee ba nɛn tɔmbu gbɛnimɔ, ben goo kun man sãamɔ. 5Yen sɔ̃, kon de bu diiri gem gem domi ko na n wãa be ba man mɛm nɔɔwammɛn suunu sɔɔ. 6Bɛɛ kɔ̃san kowobu, i sãarobun himba sankumɔ, i bu sekuru dokemɔ. Adama Yinni Gusunɔ u bu kɔ̃su. 7Yinni Gusunɔ, na nun kanamɔ, a de faaba kowo goo u yari Siɔnin di u Isireliba, Yakɔbun bweseru yara dɛsirun di, kpa ba n wãa bɔri yɛndu sɔɔ. À n kua mɛ, anna a nuku dobu wa bi ba koo ko mi.

will be added

X\