Womusu 138

1Womu ge Dafidi u kua. Ge wee. Yinni Gusunɔ, na nun siaramɔ ka nɛn gɔ̃ru kpuro. Kon nun tɔma wɔllun tɔmbun wuswaaɔ. 2Kon nun kpuna wunɛn sãa yee dɛɛrarɔ, kpa n nun tɔma wunɛn tɔn geeru ka wunɛn bɔrɔkinirun sɔ̃. Domi a yĩsiru yara wunɛn nɔɔ mwɛɛ te a ra yibien sɔ̃. 3Saa ye na nun soka, a man wurari. A man dam kã, a man toro sindu wɛ̃. 4Yinni Gusunɔ, sinambu kpurowa ba koo nun siara. Domi ba wunɛn gari nua. 5Ba koo wunɛn kookoosu siara. Domi wunɛn bɛɛrɛ ya kpã. 6Yinni Gusunɔ, baa mɛ a kpã, a be ba tii kawe waamɔ. Ma a ra be ba tii sue tubu saa tontonden di. 7Nà n sĩimɔ nuku sankiranun swaa sɔɔ, a ra man wãaru wɛ̃. A ra nɛn yibɛrɛba nɔmu dɛmiɛ bà n ka man mɔru seewa. Mɛya wunɛn dam mu ra man faaba ko. 8Yinni Gusunɔ, kaa man sanna. Wunɛn tɔn geeru ta ǹ nɔru mɔ. Be a taka kua, a ku bu deri.

will be added

X\